مەملەكەت باسشىسى قازاقستان پوليتسيياسىنىڭ 30 جىلدىعىنا ارنالعان سالتاناتتى جيىنعا قاتىستى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ الدىمەن شۇعىل باسقارۋ ورتالىعىنىڭ عيماراتىنا بارىپ, ٸشكٸ ٸستەر مينيسترلٸگٸنٸڭ احۋالدىق ساراپتامالىق ورتالىعىنىڭ جۇمىسىمەن تانىستى. بۇدان كەيٸن پرەزيدەنتكە مينيسترلٸكتٸڭ تسيفرلىق تەحنولوگييالارى كٶرسەتٸلدٸ. مەملەكەت باسشىسى اتقارىلعان جۇمىستاردى ماقۇلدادى.
– بۇل جۇمىستار تەك باسى عانا دەپ ويلايمىن. سەبەبٸ بۇل سالانى تولىقتاي تسيفرلاندىرۋ اسا قاجەت. جۇمىس اشىق ەرٸ, جارييالى تٷردە بولۋى كەرەك, – دەدٸ مەملەكەت باسشىسى.
قاسىم-جومارت توقاەۆ سالاتاناتتى جيىندا قازاقستان پوليتسيياسىن 30 جىلدىق مەرەيتويىمەن قۇتتىقتاپ, بۇل داتا تەۋەلسٸزدٸك تاريحىنداعى ايتۋلى بەلەس ەكەنٸن اتاپ ٶتتٸ. پرەزيدەنتتٸڭ پٸكٸرٸنشە, قۇقىق قورعاۋ جٷيەسٸ – مەملەكەتتٸگٸمٸزدٸڭ بەرٸك نەگٸزٸ, ەلدەگٸ تۇراقتىلىقتىڭ باستى كەپٸلٸ.
– زاڭنىڭ ورىندالۋىن قامتاماسىز ەتۋ, قوعامدىق تەرتٸپتٸ ساقتاۋ – جاۋاپكەرشٸلٸگٸ مول جۇمىس. ٶتكەن جىلداردا ٸشكٸ ٸستەر سالاسىنا اۋقىمدى ەرٸ جٷيەلٸ رەفورما جاسالدى. سونىڭ نەتيجەسٸندە, پوليتسييامىز ٶز مٸندەتٸن جوعارى دەڭگەيدە اتقارۋدا. تەۋەلسٸزدٸكتٸڭ العاشقى كەزەڭٸندە قۇقىق قورعاۋ جٷيەسٸ تٷرلٸ سىن-قاتەرمەن بەتپە-بەت كەلدٸ. ٶتپەلٸ كەزەڭدەگٸ احۋال قانداي كٷردەلٸ بولعانىن جاقسى بٸلەسٸزدەر. پوليتسييا قىلمىسپەن تاباندى تٷردە كٷرەستٸ. سول ارقىلى بيزنەستٸڭ قالىپتاسۋىنا جاعداي جاسالدى, – دەدٸ مەملەكەت باسشىسى.
قاسىم-جومارت توقاەۆ سول كەزدەرٸ ازاماتتاردىڭ قاۋٸپسٸزدٸگٸن قامتاماسىز ەتۋ ايرىقشا ماڭىزدى بولعانىن جەنە مۇنىڭ بەرٸ كٶزسٸز ەرلٸك پەن تىنىمسىز ەڭبەكتٸ تالاپ ەتكەنٸنە توقتالدى. سونىمەن قاتار قيىن كەزدە انتقا ادال بولىپ, حالىققا قىزمەت ەتكەن بارشا پوليتسييا ارداگەرٸنە العىس ايتتى.
قازاقستان پرەزيدەنتٸ قۇقىق قورعاۋ قىزمەتكەرلەرٸنە ايرىقشا مٸندەت جٷكتەلگەنٸن, ولاردىڭ ەرقاشان شيراق قيمىلداپ, باتىل ەرەكەت جاساۋى كەسٸبيلٸكتٸڭ بەلگٸسٸ ەكەنٸن اتاپ ٶتتٸ.
– بۇل, ەسٸرەسە, قاڭتار وقيعالارى كەزٸندە انىق بايقالدى. تەرتٸپ ساقشىلارى وتانشىلدىقتىڭ شىنايى ٷلگٸسٸن كٶرسەتتٸ. دەگەنمەن, بەيقام وتىرۋعا بولمايدى. زامان كٷن سايىن ٶزگەرٸپ جاتىر. جاڭا سىن-قاتەرلەر پايدا بولۋدا. ونىڭ بەرٸ ٸشكٸ ٸستەر ورگاندارىنىڭ تٷبەگەيلٸ ٶزگەرۋٸن تالاپ ەتەدٸ. بٸز بولاشاققا نىق سەنٸممەن قادام باسۋىمىز قاجەت. قۋاتتى مەملەكەت بولۋ ٷشٸن مىزعىماس تۇراقتىلىق, تەمٸردەي تەرتٸپ ورناۋى كەرەك. بۇل – ەلٸمٸز ٷشٸن ستراتەگييالىق مٸندەت. وتاندىق پوليتسييا وسى مٸندەتتٸ ابىرويمەن اتقاراتىنىنا مەن كەمٸل سەنەمٸن, – دەدٸ پرەزيدەنت.
مەملەكەت باسشىسى رەفەرەندۋم ارقىلى قابىلداعان كونستيتۋتسيياعا ەنگٸزٸلگەن تٷزەتۋلەر شىن مەنٸندە ەكٸنشٸ رەسپۋبليكانىڭ قۇرىلۋىن جەنە ەلٸمٸزدٸڭ دامۋ پاراديگماسىنىڭ تٷبەگەيلٸ ٶزگەرۋٸن بٸلدٸرەتٸنٸن ايتتى. پرەزيدەنتتٸڭ پٸكٸرٸنشە, بارلىق نەگٸزگٸ بيلٸك ينستيتۋتتارىن تەرەڭ جاڭارتۋ نەگٸزٸندە مەملەكەتتٸك قۇرىلىستىڭ ساپالى جاڭا كەزەڭٸنە كٶشەمٸز.
– بٸز ازاماتتاردىڭ شەشٸم قابىلداۋعا قاتىسۋىن ايتارلىقتاي كەڭەيتە وتىرىپ, مەملەكەت پەن قوعام اراسىنداعى قارىم-قاتىناستىڭ تيٸمدٸ جەنە تەڭگەرٸمدٸ ٷلگٸسٸن قالىپتاستىرۋىمىز كەرەك. جوسپارلانعان رەفورمالاردىڭ نەگٸزگٸ باعىتى – قۇقىق قورعاۋ جٷيەسٸن دەيەكتٸ تٷردە قايتا قۇرۋ. اۋقىمدى رەفورمالار جٷرگٸزە وتىرىپ, مەملەكەتٸمٸزدٸڭ ەلسٸرەۋٸنە ەشقاشان جول بەرمەۋٸمٸز كەرەك. بٸز بارلىق ٸس-ەرەكەتتەرٸمٸزدٸ باستى قۇندىلىعىمىز – تەۋەلسٸزدٸكپەن بايلانىستىرۋىمىز قاجەت, – دەدٸ قاسىم-جومارت توقاەۆ.
مەملەكەت باسشىسى ەلدٸ پروگرەسسيۆتٸ دەموكراتييالاندىرۋ ٷدەرٸسٸ, ازاماتتاردىڭ تابيعي تٷردە ارتىپ كەلە جاتقان ساياسي بەلسەندٸلٸگٸ تەك زاڭ شەڭبەرٸندە جٷرۋٸ كەرەك ەكەنٸن ايتتى. قاسىم-جومارت توقاەۆ جاڭا قازاقستاندى قۇرۋ بۇل ماڭىزدى ينستيتۋتسيونالدىق ٶزگەرٸستەر عانا ەمەس, سونىمەن بٸرگە ەلەۋمەتتٸك كٶزقاراستار مەن مٸنەز-قۇلىقتاردى جاڭعىرتۋ دەپ اتادى. ياعني جاڭارتىلعان قۇندىلىقتار مەن دٷنيەتانىم جٷيەمٸزدٸڭ باستى قاعيدالارىنىڭ بٸرٸ – ادامنىڭ ار-نامىسى مەن قادٸر-قاسيەتٸن قۇرمەتتەۋ بولۋعا تيٸس.
– تۇراقسىز, بٸراق قارقىندى دامىپ كەلە جاتقان ەلەمدە زاڭدار مەن مورالدىق نورمالاردى قۇرمەتتەيتٸن حالىق قانا كٷشتٸ جەنە ەگەمەندٸ ەل مەرتەبەسٸن ساقتاي الادى. بٷگٸنگٸ تاڭدا قوعامدا ٶتكەنٸمٸزگە تٷرلٸ, كەيدە بٸرجاقتى باعا بەرٸلٸپ, ۇشقارى پكٸرلەر ايتىلىپ جٷر. دەگەنمەن, تەۋەلسٸزدٸك كەزەڭٸندەگٸ ايتۋلى جەتٸستٸكتەردٸ جوققا شىعارۋعا بولمايدى. تاريحىن, كٶشباسشىلارىن جوققا شىعارعان حالىقتىڭ بولاشاعى جوق ەكەنٸن ەستە ۇستاعان جٶن. سوندىقتان ازاماتتاردى وبەكتيۆتٸ ەرٸ دۇرىس كٶزقاراستا بولۋعا شاقىرامىن, – دەدٸ پرەزيدەنت.
قاسىم-جومارت توقاەۆ حالىقتىڭ ەدٸلدٸك پەن مەملەكەتتٸڭ تيٸمدٸلٸگٸنە دەگەن سەنٸمٸ كٶپ جاعدايدا قۇقىق قورعاۋ ورگاندارى قىزمەتكەرلەرٸنٸڭ كەسٸبي شەبەرلٸگٸ مەن ادامي قاسيەتتەرٸنە بايلانىستى ەكەنٸن ايتتى. قازاقستان پرەزيدەنتٸنٸڭ پٸكٸرٸنشە, تٷرلٸ جاعدايدا ادامدارمەن تٸكەلەي ارالاساتىن پوليتسەيلەردٸڭ ەرقايسىسى مەملەكەت تۋرالى تٷسٸنٸك قالىپتاستىرادى. بۇل قوعام الدىندا پوليتسييا قىزمەتكەرٸن بيلٸكتٸڭ ۋەكٸلەتتٸ ٶكٸلٸ دەپ بٸلەتٸن, ەسٸرەسە ۋچاسكەلٸك پوليتسييا قىزمەتكەرٸن ەر ازاماتى تانيتىن اۋىلدىق جەردە ماڭىزدى.
– ازاماتتاردىڭ مەملەكەتتٸك ساياساتقا, ەلٸمٸزدە جٷرگٸزٸلٸپ جاتقان رەفورمالارعا كٶزقاراسى ونىڭ سٶزٸ مەن ٸس-ەرەكەتٸنە تٸكەلەي بايلانىستى. پوليتسەيلەر مۇنى ەشقاشان ۇمىتپاۋى كەرەك. سٸزدەرگە ەرەكشە جاۋاپكەرشٸلٸك جٷكتەلەدٸ. ٶكٸنٸشكە قاراي, ازاماتتاردىڭ قۇقىق قورعاۋ جٷيەسٸنە دەگەن سەنٸمٸ ەلٸ دە جوعارى دەڭگەيدە ەمەس. ەدٸلەتسٸز جاعدايلار, پوليتسەيلەردٸڭ نەمقۇرايلىلىعى, كەيدە ولاردىڭ زاڭسىز ەرەكەتتەرٸ ٸشكٸ ٸستەر مينيسترلٸگٸنٸڭ بارلىق قۇرىلىمىنىڭ قىزمەتٸنە سىزات تٷسٸرەدٸ. جاعدايدى ٶزگەرتۋ ٷشٸن بٸز قازاقستان پوليتسيياسىندا اۋقىمدى رەفورمالاردى باستادىق, بٸرتٸندەپ قىزمەت كٶرسەتۋ ٷلگٸسٸنە كٶشەمٸز. بٷگٸنگٸ تاڭدا تەك قىلمىسپەن كٷرەسۋ ازدىق ەتەدٸ, ازاماتتاردىڭ قاۋٸپسٸزدٸگٸن قامتاماسىز ەتۋ, ەڭ باستىسى پوليتسييانىڭ ادامدارعا بەيٸمدەلۋٸ ماڭىزدى. مەنٸڭ تاپسىرماممەن ٸشكٸ ٸستەر مينيسترلٸگٸ بۇل باعىتتا بٸرقاتار ماڭىزدى شارالاردى قولعا الدى. بٸراق الدا ەلٸ جۇمىس كٶپ, – دەدٸ مەملەكەت باسشىسى.
قاسىم-جومارت توقاەۆ پوليتسييانىڭ بيلٸك پەن قوعام اراسىنداعى دەنەكەر بولۋى ٶتە ماڭىزدى مٸندەت ەكەنٸنە توقتالىپ, ازاماتتارمەن قارىم-قاتىناستىڭ جاڭا مەدەنيەتٸن قالىپتاستىرۋ قاجەتتٸگٸن العا تارتتى.
– پوليتسييا ٶز جۇمىسىن بارىنشا اشىق جٷرگٸزٸپ, حالىققا جاقىن بولۋعا تيٸس. بيۋروكراتييادان ارىلاتىن ۋاقىت ەلدەقاشان جەتتٸ. بۇل ساياسي كەسەل حالىقپەن تٸكەلەي جۇمىس ٸستەۋگە كەدەرگٸ كەلتٸرەدٸ. تۇرعىنداردىڭ ورىندى سىن-ەسكەرتۋلەرٸن دۇرىس قابىلداعان جٶن, – دەپ تاپسىردى پرەزيدەنت.
مەملەكەت باسشىسى ٶز سٶزٸندە قوعامعا قارسى ٸس-ەرەكەت تۋعىزاتىن جاعدايلاردى تٷبٸرٸمەن جويۋ قاجەت ەكەنٸنە توقتالىپ, جاعىمسىز ەلەۋمەتتٸك فاكتورلاردىڭ ىقپالىن ازايتۋ كەرەك دەدٸ.
– ەسٸرەسە, زاڭدى بەلدەن باسۋعا بەيٸم ادامداردىڭ تەرتٸپ بۇزۋىنا جول بەرۋگە بولمايدى. مۇنىڭ بەرٸ ٸشكٸ ٸستەر مينيسترلٸگٸ عانا اتقاراتىن جۇمىس ەمەس. بۇل – ٶزگە مەملەكەتتٸك ورگاندارعا دا ورتاق مٸندەت. بٸزدە قۇقىق بۇزۋشىلىقتىڭ الدىن-الۋ جٶنٸندەگٸ كوميسسييالار بار. رەسپۋبليكالىق جەنە ٶڭٸرلٸك دەڭگەيدەگٸ وسىنداي كوميسسييالاردىڭ مٷمكٸندٸگٸن تولىق پايدالانعان جٶن. ەكٸمدەر دە ايماقتىڭ تۇراقتىلىعى مەن تىنىشتىعىنا جاۋاپتى. ٷكٸمەت ولاردىڭ وسى باعىتتاعى جۇمىسىنا قويىلاتىن تالاپتى قايتا قاراۋى قاجەت. ايماقتىڭ قاۋٸپسٸزدٸگٸ – ٶتە ماڭىزدى, – دەدٸ قاسىم-جومارت توقاەۆ.
پرەزيدەنت ەل ٸشٸنە ٸرٸتكٸ سالاتىن جات يدەولوگييالاردى تاعى بٸر ماڭىزدى مەسەلە رەتٸندە اتادى. ەسٸرەسە, ەلەۋمەتتٸك جەلٸدە جۇرتتى زاڭ بۇزۋعا يتەرمەلەيتٸن اعىمداردىڭ ٶتە كٶپتٸگٸنە نازار اۋدارىپ, ولاردىڭ جولىن كەسۋ ٷشٸن باسقا دا قۇزىرلى ورگاندارمەن بٸرلەسٸپ جۇمىس اتقارۋ كەرەك ەكەنٸن اتاپ ٶتتٸ. سونىمەن قاتار قوعامدىق ۇيىمدارمەن تىعىز قارىم-قاتىناس ورناتقان ابزال ەكەنٸن ەسكە سالدى.
مەملەكەت باسشىسى ازاماتتاردىڭ بەرٸنە تەڭ مٷمكٸندٸك بەرەتٸن قوعام قۇرۋ, سونىڭ ٸشٸندە ەيەلدەر مەن بالالاردىڭ قۇقىعىن قورعاۋ باستى مٸندەت ەكەنٸن اتاپ ٶتتٸ.
– تاعى بٸر ماڭىزدى مٸندەت – ەيەلدەر مەن بالالاردى زورلىق-زومبىلىقتان قورعاۋ. مينيسترلٸكتە وسىنداي ٸستەردٸ تەرگەۋمەن اينالىساتىن ارناۋلى بٶلٸم قايتا اشىلدى. مەنٸڭ تاپسىرمام بويىنشا بيىل ەيەلدەر مەن بالالارعا كەشەندٸ قولداۋ كٶرسەتەتٸن ورتالىقتار قۇرىلدى. بۇل ورتالىقتار قازٸر پيلوتتىق رەجيمدە جۇمىس جاساپ تۇر. وندا پسيحولوگييالىق, قۇقىقتىق جەنە مەديتسينالىق كٶمەك كٶرسەتٸلەدٸ. سونداي-اق, تيٸستٸ ساراپتامالار جاسالادى. ارنايى دايارلىقتان ٶتكەن تەرگەۋشٸ ەيەلدەر زارداپ شەككەن جاندارعا جەردەم بەرەدٸ. جالپى, بۇل ورتالىقتار تيٸمدٸ جۇمىس ٸستەپ جاتىر. مۇنداي ورتالىقتاردى بٷكٸل ەل اۋماعىندا اشىپ, اۋقىمىن كەڭەيتۋ كەرەك. ٷكٸمەتكە جەنە ەكٸمدەرگە وسى جۇمىستى قولعا الۋدى تاپسىرامىن, – دەدٸ قاسىم-جومارت توقاەۆ.
قاسىم-جومارت توقاەۆ پوليتسييا قىزمەتٸنٸڭ كٶبٸنەسە ادام ٶمٸرٸ مەن دەنساۋلىعىنا قاتەر تٶندٸرەتٸن قاۋٸپتٸ ماماندىق ەكەنٸن اتاپ ٶتٸپ, تەۋەلسٸزدٸك جىلدارىندا قىزمەت بابىندا 815 قىزمەتكەردٸڭ قازا تاپقانى, 4,5 مىڭنان استامى جاراقات العانى تۋرالى دەرەك كەلتٸردٸ. سوندىقتان قوعامنىڭ قاۋٸپسٸزدٸگٸ مەن تۇراقتىلىعىن قامتاماسىز ەتۋ ٸسٸندەگٸ ٸشكٸ ٸستەر ورگاندارىنىڭ ٷلەسٸن باعالاماۋعا بولمايدى.
– بٸز تەرتٸپ ساقشىلارىن قولداۋعا ەردايىم ەرەكشە كٶڭٸل بٶلەمٸز. كەيٸنگٸ جىلدارى پوليتسييا قىزمەتكەرلەرٸنٸڭ جالاقىسى بٸرنەشە رەت ٶسٸپ, تۇرعىن ٷيدٸ جالعا الۋ قۇنىنا ٶتەماقى تٶلەۋ ەنگٸزٸلدٸ. سونىمەن قاتار ەكٸمدەرگە جەرگٸلٸكتٸ بيۋدجەت ەسەبٸنەن قارجىلاندىرىلاتىن قىزمەتتەرگە 30 پايىزدىق ٷستەماقى بەلگٸلەۋ قۇقىعى بەرٸلدٸ. مەنٸڭ تاپسىرماما سەيكەس بيىلعى 1 قازاننان باستاپ جەدەل-ٸزدەستٸرۋ قىزمەتٸ قىزمەتكەرلەرٸنٸڭ ەڭبەكاقىسى كٶتەرٸلەدٸ. بٸز پوليتسييا قىزمەتكەرلەرٸن قۇقىقتىق جەنە ەلەۋمەتتٸك تۇرعىدان قورعاۋدى جاقسارتۋ ٷشٸن كەشەندٸ شارالاردى جالعاستىرامىز, – دەدٸ مەملەكەت باسشىسى.
پرەزيدەنت قۇقىق قورعاۋ ورگاندارىندا قىزمەت اتقارۋدىڭ جاستار ٷشٸن تارتىمدى ەرٸ مەرتەبەلٸ بولۋى ماڭىزدى دەپ ەسەپتەيدٸ. ٷزدٸك پوليتسەيلەردٸ كٶتەرمەلەپ, ەرەكشەلەپ, ماراپاتتاۋ ٸسٸن قولدايتىنىن بٸلدٸردٸ. سونداي-اق قۇقىق قورعاۋ ورگاندارىنداعى قىزمەت تەك ارتىقشىلىق پەن ابىروي عانا ەمەس, حالىق الدىنداعى ٷلكەن جاۋاپكەرشٸلٸك ەكەنٸن تٷسٸنۋ كەرەك دەپ اتاپ ٶتتٸ. قاسىم-جومارت توقاەۆ ٸشكٸ ٸستەر مينيسترلٸگٸ كادرلىق ەلەۋەتتٸ ۇدايى جەتٸلدٸرۋدٸ, قىزمەتكەرلەردٸڭ كەسٸبي بٸلٸكتٸلٸگٸن جەنە مورالدىق رۋحىن نىعايتۋدى قامتاماسىز ەتۋٸ قاجەت ەكەنٸن ايتتى. قازاقستان پوليتسيياسىندا وتانسٷيگٸشتٸكتٸڭ, اشىقتىقتىڭ, ەرقاشان ادامدارعا كٶمەككە كەلۋگە دايىن تۇراتىن ادالدىقتىڭ وبرازى قالىپتاسۋى كەرەك. بۇل بارلىق تەرتٸپ ساقشىلارىنىڭ ويلاۋ جٷيەسٸ مەن مٸنەز-قۇلقىنا تٷبەگەيلٸ ٶزگەرٸستەر ەنگٸزۋدٸ تالاپ ەتەدٸ.
مەملەكەت باسشىسى سوڭعى كەزدەرٸ قۇقىق قورعاۋ ورگاندارىنىڭ قىزمەت بابىن اسىرا پايدالانۋىنا قاتىستى شاعىمداردىڭ جيٸلەپ كەتكەنٸن اتاپ ٶتتٸ. سونداي-اق مامىر ايىندا وتاندىق بيزنەس ٶكٸلدەرٸمەن كەزدەسۋٸندە كەسٸپكەرلەردٸڭ كٶپشٸلٸگٸ تٸكەلەي قىسىم كٶرٸپ جاتقانى تۋرالى شاعىمدانعانىن ايتتى.
پرەزيدەنت ەكونوميكالىق تەرگەۋ قىزمەتٸنٸڭ ٶڭٸرلەردەگٸ جۇمىسىنا جاعىمسىز پٸكٸرلەر كٶپتەپ تٷسٸپ جاتقانىن ەرەكشە اتاپ ٶتتٸ. مەملەكەت باسشىنىڭ ايتۋىنشا, زاڭسىز ەرەكەتتەردەن ٸشكٸ ٸستەر مينيسترلٸگٸ قىزمەتكەرلەرٸ دە تىسقارى ەمەس. كەيبٸرٸ جەمقورلىققا قاتىستى ايتىلىپ وتىر.
– بۇل بٷكٸل قۇقىق قورعاۋ جٷيەسٸنٸڭ بەدەلٸنە ايتارلىقتاي نۇقسان كەلتٸرەدٸ. قارجى مونيتورينگٸ اگەنتتٸگٸنٸڭ كٷشٸن الاياقتىققا, قارجى پيراميدالارىنا, كاپيتال مەن رەسۋرستاردى شەتەلگە زاڭسىز شىعارۋ فاكتٸلەرٸنە باعىتتاۋ كەرەك. اگەنتتٸك كٶلەڭكەلٸ ەكونوميكامەن كٷرەسەتٸن نەگٸزگٸ مەملەكەتتٸك ورگانعا اينالۋعا تيٸس. بٸز قوعامدا جوعارى قۇقىقتىق مەدەنيەت جەنە سىبايلاس جەمقورلىق پەن زاڭسىزدىقتىڭ كەز كەلگەن كٶرٸنٸستەرٸنە بەرٸك يممۋنيتەت قالىپتاستىرۋىمىز كەرەك, – قاسىم-جومارت توقاەۆ.
بەلسەندٸلەر ساياسي پارتييالار مەن قوزعالىستار قۇرۋعا ىنتالى ەكەنٸن مەلٸمدەپ, ٸشكٸ جەنە سىرتقى ساياساتتىڭ ٶزەكتٸ مەسەلەلەرٸ بويىنشا ەرتٷرلٸ پٸكٸرلەرٸ مەن كٶزقاراستارىن بٸلدٸرەدٸ. بۇل – ازاماتتىق قوعامنىڭ جەتٸلگەنٸن كٶرسەتەتٸن تابيعي پروتسەسس. دەگەنمەن, پرەزيدەنتتٸڭ پٸكٸرٸنشە, ازاماتتىق بەلسەندٸلەردٸڭ بارلىق ەرەكەتٸ, سونىڭ ٸشٸندە نارازىلىق اكتسييالارى قولدانىستاعى زاڭناماعا جەنە پاراساتتىلىققا قاتاڭ سەيكەس كەلۋٸ ٶتە ماڭىزدى.
– زاڭدى بۇزۋعا, زاڭسىز ەرەكەتتەرگە بارۋعا, سونىڭ ٸشٸندە پوليتسييا قىزمەتكەرلەرٸنٸڭ ادامدىق قادٸر-قاسيەتٸنە, كەسٸبي ار-نامىسىنا قارسى باعىتتالعان ەرەكەتتەرگە باراتىندار زاڭنامامىزعا سەيكەس جاۋاپكەرشٸلٸككە تارتىلادى. قازاقستاننىڭ ۇلتتىق مٷددەسٸنە قارسى ەرەكەت ەتەتٸن كەسٸبي ارانداتۋشىلار ەشكەرەلەنۋٸ كەرەك, – دەدٸ مەملەكەت باسشىسى.
قازاقستان پرەزيدەنتٸ تاعى بٸر ماڭىزدى مەسەلە رەتٸندە قازٸرگٸ ۋاقىتتا قوعامدا بولىپ جاتقان قىزۋ پٸكٸرتالاستار كەزٸندە ساياسي ەدٸلدٸك مەسەلەسٸ تۋرالى ۇمىتپاۋ كەرەك ەكەنٸن اتاپ ٶتتٸ.
– ەلٸنٸڭ دامۋىنا لايىقتى ٷلەس قوسقان قوعامدىق-ساياسي كٶشباسشىلارىن, عىلىم جەنە مەدەنيەت قايراتكەرلەرٸن قادٸر تۇتپايتىن حالىقتىڭ كەلەشەگٸ دە بۇلىڭعىر بولماق. بٸز, قازاق حالقى, ساياسي تۇلعالارىمىزدىڭ ەڭبەگٸنە قۇرمەتپەن, پاراساتتىلىقپەن قاراۋىمىز قاجەت. بۇل – قازاقستاننىڭ تۇڭعىش پرەزيدەنتٸ نۇرسۇلتان ەبٸشۇلى نازارباەۆتىڭ تۇلعاسىنا دا قاتىستى اقيقات. ونىڭ تەۋەلسٸز ەلٸمٸزدٸ قۇرۋ ٸسٸنە سٸڭٸرگەن ەڭبەگٸن بٷكٸل ەلەم قاۋىمداستىعى مويىندادى. سوندىقتان تۇڭعىش پرەزيدەنتتٸڭ تاريحي رٶلٸنە قۇرمەتپەن قاراۋ – بەرٸمٸزگە ورتاق مٸندەت. ونىڭ ساياسي مۇراسىنا كەلەشەك ۇرپاق ەدٸلەتتٸ باعاسىن بەرمەك. ال, قازٸرگٸ ۇرپاق ٶكٸلدەرٸ ەلٸمٸز ٷشٸن تاباندى جۇمىس ٸستەۋٸ كەرەك. بٸز بەرٸمٸز حالىق رەتٸندە, ەڭ الدىمەن, ەڭبەكقور بولۋىمىز قاجەت. ساياسي ويىندارعا توسقاۋىل قويعان جٶن. بٸز ٶتكەنگە جالتاقتاماي, جارقىن بولاشاعىمىزعا زور سەنٸممەن قادام باسۋىمىز كەرەك, – دەدٸ مەملەكەت باسشىسى.
قاسىم-جومارت توقاەۆ سٶزٸن قورىتىندىلاي كەلە, پوليتسييانىڭ ۇستانىمىن ٶزگەرتٸپ, جۇمىستىڭ جاڭا ٷلگٸسٸنە كٶشۋدٸ باستى مٸندەت رەتٸندە اتادى. ونىڭ پٸكٸرٸنشە, حالقىمىزدىڭ بەيبٸت ٶمٸر سٷرٸپ, ٶز ەلٸنٸڭ بولاشاعىنا سەنٸممەن قاراۋى – پوليتسەيلەردٸڭ ادال قىزمەتٸنە بايلانىستى.
جيىن سوڭىندا مەملەكەت باسشىسى سالانىڭ بٸرقاتار قىزمەتكەرٸنە مەملەكەتتٸك ناگرادالار تاپسىردى.
