قر دەنساۋلىق ساقتاۋ مينيسترٸ ەلجان بٸرتانوۆ ەل تۇرعىندارىن مەنينگيت كەزٸندە ٶزٸن-ٶزٸ ەمدەۋمەن اينالىسپاۋعا شاقىردى, دەپ حابارلايدى قازاقپارات تٸلشٸسٸ.
«ادامداردىڭ ٶلٸمٸمەن اياقتالعان وقيعالاردىڭ كٶپشٸلٸگٸندە ناۋقاستار مامانداردىڭ كٶمەگٸنە تىم كەش جٷگٸنگەن. بٸز مەنينگيت بەلگٸلەرٸ پايدا بولعان كەزدە دەرەۋ مەديتسينالىق قىزمەتكەرلەرگە حابارلاسۋ كەرەكتٸگٸن قايتالاپ كەلەمٸز. دەنساۋلىق ساقتاۋعا, ۆاكتسينالاۋعا تٷرلٸ كٶزقاراستار بولۋى مٷمكٸن, الايدا وسى جاعدايدا كەرٸ سالدارعا جول بەرمەس ٷشٸن باس مامانداردىڭ ۇسىنىسىن ورىنداۋدى ٶتٸنەمٸن. ينفەكتسييا جىل بويى بولادى. بۇنىڭ بارلىعى بٸز ٷشٸن ستاندارتتى جاعداي, سەيكەسٸنشە بٸز دەرٸگەرلەردٸڭ ستاندارتتى نۇسقاۋلارىن ورىنداۋدى تالاپ ەتەمٸز. وسى ورايدا ٶزٸن-ٶزٸ ەمدەۋمەن نەمەسە تەكسەرٸلمەگەن ەم-دوم تٷرلەرٸمەن اينالىسقان دۇرىس ەمەس», - دەدٸ مينيستر ورتالىق كوممۋنيكاتسييالار قىزمەتٸندە.
بۇدان بۇرىن حابارلانعانداي, جىل باسىنان بەرٸ قازاقستاندا مەنينگيت ينفەكتسيياسىن جۇقتىرعان 58 ناۋقاس تٸركەلدٸ. ولاردىڭ 18-ٸ 14 جاسقا دەيٸنگٸ بالالار. بيىلدان باستاپ اتالعان دەرتتەن 12 ادام كٶز جۇمدى.
