مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ سەگٸز ساعاتتىق جۇمىس كٷنٸنە كەيٸن مەلەكەتتٸك ورگاندارداعى كومپيۋتەرلەردٸڭ ٶشٸرٸلۋٸن قاداعالاۋدى تاپسىردى, دەپ حابارلايدى قازاقپارات تٸلشٸسٸ.
«بارلىق مەملەكەتتٸك ورگاندارعا ٶزگەرمەلٸ كەستە مەن سەگٸز ساعاتتىق جۇمىس كٷنٸنە كەيٸن مەلەكەتتٸك ورگاندارداعى كومپيۋتەرلەردٸڭ اۆتوماتتى ٶشٸرٸلۋٸن ەنگٸزۋ قاجەت. ٶزدەرٸڭٸز بٸلەسٸزدەر, مەملەكەت باسشىسى تاراپىنان سىن ايتىلدى بارلىق دەرلٸك مەمورگاندار مۇنى قولدادى, 18:30-دا كومپيۋتەرلەردٸ ٶشٸرۋدٸ ورتالىقتاندىرۋ مەسەلەلەرٸ شەشٸلدٸ. ەندٸ مۇنى قاداعالاۋ كەرەك. بٸز مەملەكەتتٸك قىزمەتشٸلەردٸڭ جۇمىسى مەن جەكە ٶمٸرٸ اراسىنداعى تەڭگەرٸمدٸ ساقتاۋىمىز كەرەك», - دەدٸ شپەكباەۆ 2018 جىلدىڭ ەكٸنشٸ جارتىسىنداعى جۇمىس قورىتىندىسىنا ارنالعان كەڭەيتٸلگەن القا وتىرىسىندا.
سونىمەن بٸرگە, اگەنتتٸك تٶراعاسى ەملەكەتتٸك قىزمەتشٸلەردٸڭ ەلەكتروندى قۇجات اينالىمى جٷيەسٸنە قولجەتٸمدٸلٸگٸن قامتاماسىز ەتۋ مٷمكٸندٸگٸ تۋرالى ايتىپ بەردٸ.
«جاپپاي «بۇلتتىق» تەحنولوگييالار ەنگٸزٸلٸپ جاتقاندا, بٸز مەملەكەتتٸك قىزمەتشٸلەردٸ كابينەتكە بايلاپ, باسقارۋ شەشٸمدەرٸن قابىلداۋدا قاجەتسٸز ەۋرە-سارساڭعا سالىپ جاتىرمىز», - دەدٸ ول.
