قازاقستاندىق مەديتسينالىق ۇيىمداردىڭ 70% ۇلتتىق اككرەديتاتسييا تالاپتارىنا ساي ەمەس.
بۇل تۋرالى قر دسم دەنساۋلىق ساقتاۋدى دامىتۋ رەسپۋبليكالىق ورتالىعىنىڭ باس ديرەكتورى اينۇر ايىپحانوۆا مەلٸمدەدٸ, دەپ حابارلايدى قازاقپارات.
ونىڭ ايتۋىنشا, قازاقستانداعى اككرەديتاتسييالاۋ ۇلتتىق جٷيەسٸ 2009 جىلدان بەرٸ جۇمىس ٸستەپ كەلەدٸ. بۇل جٷيەنٸ دەنساۋلىق ساقتاۋ ساپاسى بويىنشا حالىقارالىق قاۋىمداستىق مويىنداعان.
«بٸز اۋرۋحانالار مەن ەمحانالاردىڭ جۇمىس تەرتٸبٸ مەن ستاندارتتارىن ويلاستىردىق جەنە بۇل ستاندارتتاردى اعىلشىن تٸلٸنە اۋدارىپ, 4 جىلعا حالىقارالىق سەرتيفيكات الدىق. وسىلايشا, 2009 جىلدان بەرٸ ٷش رەت اككرەديتاتسييا ستاندارتتارىن بەكٸتتٸك. قازٸر 2018 جىلى بەكٸتٸلگەن ستاندارتتار بويىنشا جۇمىس ٸستەپ جاتىرمىز. مۇندا اۋرۋحانالارعا, ەمحانالارعا جەنە مەديتسينالىق ۇيىمدارعا جەرتٶلەدەن شاتىرعا دەيٸن, مەدبيكەنٸڭ دەرٸنٸ ەزٸرلەۋٸ, دەرٸگەردٸڭ ەم تاعايىنداۋى بويىنشا 500-دەن استام تالاپ قويىلادى», - دەدٸ اينۇر ايىپحانوۆا رەسپۋبليكالىق دەنساۋلىق ساقتاۋ ورتالىعىندا ٶتكەن كەزدەسۋدە.
ٶكٸنٸشكە قاراي, قازٸرگٸ ۋاقىتتا ەلەۋمەتتٸك مەديتسينالىق ساقتاندىرۋ قورى ارقىلى مەملەكەتتەن قاراجات الاتىن وتاندىق مەديتسينالىق ۇيىمداردىڭ 30% عانا ۇلتتىق اككرەديتاتسييادان ٶتكەن.
«بۇل قالعان 70% دايىن ەمەستٸگٸن نەمەسە ستاندارتقا ساي كەلمەيتٸندٸگٸن كٶرسەتەدٸ. 2018 جىلى اككرەديتاتسييا تالاپتارى تاعى كٶتەرٸلدٸ جەنە كٶپتەگەن ۇيىمدار سىناقتان ٶتپەي قالدى. مەسەلەن, بيىل ەربٸر بەسٸنشٸ ۇيىم اككرەديتاتسييادان ٶتپەي قالدى. ولاردىڭ دايىندىعى تٶمەن بولدى جەنە بارلىق تالاپتارعا ساي بولا المادى. بٸزدٸڭ اككرەديتاتسييا ٷش ساناتتا بەرٸلەدٸ: جوعارى ساناتتا قازاقستاندا 10 ۇيىم عانا بار. ولاردىڭ اراسىندا استانالىق UMC, شىمكەنتتەگٸ وبلىستىق اۋرۋحانا بار. بۇل ۇيىمدار ستاندارتتاردى بارىنشا ساپالى ەنگٸزٸپ, دەرٸگەرلەر مەن مەدبيكەلەردٸڭ قىزمەتٸن دۇرىس ۇيىمداستىرا بٸلدٸ», - دەپ اتاپ ٶتتٸ ورتالىق باسشىسى.
ەزٸرگە ۇلتتىق اككرەديتاتسييالىق جٷيە ەرٸكتٸ بولىپ سانالادى جەنە مينيسترلٸك 2024-2025 جىلعا قاراي مٸندەتتەۋ ٷشٸن ۋاقىت بەرۋدٸ ۇسىنىپ وتىر.
«مەملەكەتتەن اقشا العىڭ كەلسە - ناۋقاس ٷشٸن قاۋٸپسٸز, ساپالى ورتا جاسا. ونىڭ ٷستٸنە, مەكەمە مٸندەتتٸ ەلەۋمەتتٸك مەديتسينالىق ساقتاندىرۋ اياسىندا قاراجات السا, بارلىق تالاپتارعا ساي بولۋى تيٸس. بٸزدٸڭ جٷيەنٸ ەلەم مويىندادى. ساپا بويىنشا حالىقارالىق قاۋىمداستىق اقش-تاعى JCI, «Accreditation Canada» سىندى 20 ۇيىمدى عانا اككرەديتتەگەن. سول تٸزٸمدە قازاقستاننىڭ رەسپۋبليكالىق دەنساۋلىق ساقتاۋدى دامىتۋ ورتالىعى بار», - دەدٸ ا. ايىپحانوۆا.
