بٸلٸم ساپاسىنا قويىلاتىن تالاپقا ساي ەمەس ەلٸمٸزدەگٸ 20 وقۋ ورنىنىڭ ليتسەنزيياسى قايتارىلىپ الىندى, دەپ حابارلايدى قازاقپارات تٸلشٸسٸ.
«ٶزدەرٸڭٸز بٸلەتٸندەي, «بەس ەلەۋمەتتٸك باستاما» شەڭبەرٸندە ەلباسىنىڭ تاپسىرماسى بويىنشا قوسىمشا 20 مىڭ گرانت بٶلٸنگەن بولاتىن. بۇل گرانتتار بويىنشا ستۋدەنتتەر وقۋىن باستاپ كەتتٸ. ەندٸ وسىنداي مەملەكەتتەن قامقورلىق بولىپ جاتقاننان كەيٸن ەرينە, بٸزدٸڭ وقۋ ورىندارىنىڭ جاۋاپكەرشٸلٸگٸ دە ارتتىرىلۋى كەرەك», - دەدٸ بٸلٸم جەنە عىلىم ۆيتسە-مينيسترٸ اسحات ايماعامبەتوۆ استانادا ٶتٸپ جاتقان «نۇر وتان» پارتيياسى باستاۋىش ۇيىمدارىنىڭ رەسپۋبليكالىق فورۋمىندا.
ونىڭ ايتۋىنشا, وسى مەسەلەدە بويىنشا بٸرٸنشٸدەن پروفيليزاتسييا, ەكٸنشٸدەن جوو-لاردى ٷلكەيتۋ, ٷشٸنشٸدەن جوو-لار تيٸستٸ جۇمىسىن اتقارا الماسا ليتسەنزييالاردى قايتارىپ الۋ جۇمىسى جٷرگٸزٸلەتٸنٸن اتاپ ٶتتٸ.
«قازٸرگٸ تاڭدا بٸز 50 پايىزدىق نورمانى بەكٸتتٸك. دەمەك, ەگەر جوو تٷلەكتەرٸنٸڭ جۇمىسقا تۇرۋ كٶرسەتكٸشٸ 50 پايىزدان از بولسا, وندا بۇل دەگەنٸڭٸز بٸرٸنشٸدەن بۇل ماماندىقتاردىڭ نارىققا قاجەتسٸز ەكەنٸن, ەكٸنشٸدەن بٸلٸم ساپاسىنىڭ تٶمەندٸگٸن بٸلدٸرەدٸ. ەكٸ جاعدايدا دا بٸز ليتسەنزييانى قايتارىپ الاتىن بولامىز. بٷگٸنگە دەيٸن بعم بۇل جۇمىستى جٷرگٸزٸپ, 20 ليتسەنزييانى قايتارىپ الدىق. كەلەسٸ جىلى مەملەكەت باسشىسىنىڭ تاپسىرماسى نەگٸزٸندە بۇل جۇمىستى جالعاستىراتىن بولامىز», - دەدٸ اسحات ايماعامبەتوۆ.
ەسكە سالا كەتسەك, ەلورداداعى كونگرەسس-ورتالىقتا «نۇر وتان» پارتيياسى باستاۋىش ۇيىمدارىنىڭ رەسپۋبليكالىق فورۋمى ٶتٸپ جاتىر.
