ۋيلمينگتون قالاسىندا (اقش, دەلاۆەر شتاتى) WBO Intercontinental جەنە WBA Fedelatin تۇجىرىمدارى بويىنشا ەلەم چەمپيونى, بٸرٸنشٸ ورتا سالماقتاعى قانات يسلام (22-0-0, 18 كو) مەن برازيلييالىق روبسون اسسيس (16-3-0, 9 كو) اراسىنداعى جەكپە-جەك اياقتالدى, دەپ xابارلايدى "ۇلت اقپارات".
جەكپە-جەك نەبەرٸ بٸر راۋندتقا سوزىلدى. قانات كەزدەسۋدٸ قارقىندى باستادى. العاشقى سەتتەردٸڭ بٸرٸندە-اق قاباعىن جاراقاتتاپ العان بوكسشىمىز قارسىلاسىن بۇرىشتان بۇرىشقا قۋالاپ جٷرٸپ, سوققىلارىن دارىتتى. راۋندتىڭ سوڭعى سەكۋندتارىندا قاناتتىڭ وڭ قولىمەن سەرمەگەن جۇدىرىعى قارسىلاسىن شالقاسىنان قۇلاتتى. بۇل سوققىدان روبسون ەسەڭگٸرەپ, تۇرا المادى.
كەزەكتٸ جەڭٸسٸنەن كەيٸن قازاقستاندىق بوكسشى قازاقستاندىقتارعا العىسىن ايتتى. قانات يسلامنىڭ سٶزٸنشە, وعان جاراقاتىنا بايلانىستى جەكپە-جەكتٸ بٸردەن اياقتاۋ كەرەك بولعان. وسىلايشا, وتانداسىمىز بٸرٸنشٸ راۋندتا بار كٷشٸن سالىپ, كەزدەسۋدٸ ٶز پايداسىنا شەشۋدٸ تىرىستى. "بارلىعى بٸز جوسپارلاعانداي بولدى. ەندٸ بٸزدٸ استانادا تاعى ٷلكەن جەكپە-جەك كٷتٸپ تۇر. ەلباسى استانادا EXPO كەزٸندە جەكپە-جەك ٶتكٸزۋگە شاقىردى. العىسىم شەكسٸز!", - دەدٸ قازاقستاندىق بوكسشى دٷيٸم جۇرتقا العىس بٸلدٸرە وتىرىپ.
بوكسشىلاردىڭ كەزدەسۋٸ كٸشٸ روي-دجونستىڭ بوكس كەشٸنٸڭ اياسىندا ٶتكەن بولاتىن. بۇل ەلەمگە «قازاق» دەگەن اتپەن تانىلعان قانات يسلامنىڭ كەسٸپقوي رينگتەگٸ 23-شٸ كەزدەسۋٸ.
ايتا كەتەيٸك, بٷگٸنگٸ رەيتينگتٸك جەكپە-جەك 10 راۋندقا جوسپارلانعان.
