ەلورداداعى «زەردە» مەكتەبٸنٸڭ وقۋشىسى ارۋجان ماقسۇتوۆانىڭ ۆولونتەرلٸكتٸ جانىنا سەرٸك ەتكەنٸنە ەكٸ جىل بولىپتى. ول كٶڭٸلٸنەن شىققان ۆولونتەرلٸك قىزمەتتٸ الداعى ۋاقىتتا دا اتقارا بەرمەك, دەپ حابارلايدى قازاقپارات.
«2018 جىلدان بەرٸ ۆولونتەرمٸن. ۆولونتەرلٸك قىزمەت بارلىق ۋاقىتتا دا ۇنايتىن. ول سەنٸڭ ەكٸنشٸ وتباسىڭ سيياقتى. مٷمكٸن بولاشاقتا دا ٶمٸرٸمدٸ وسى ٸسكە ارنايتىن شىعارمىن. ٶيتكەنٸ ٶزٸمە قاتتى ۇنايدى. سوندىقتان جاڭا شارالارعا بارىپ, ادامداردى بٸلە تٷسۋگە, وتباسىما كٶپ ادامدى تارتا تٷسۋگە تىرىسپاقپىن. ۆولونتەرلٸك قىزمەتتٸڭ ارقاسىندا كٶپتەگەن جاڭا ادامدارمەن تانىستىم. ۆولونتەرلەردٸڭ ارقاسىندا فوتوگرافييانى جاقسى كٶرەتٸندٸگٸمدٸ بٸلٸپ, ٶزٸم دە فوتوگرافقا اينالدىم. بۇعان قوسا, ۋاقىتىمدى پايدالى ٸسكە ارناپ, ادامدارعا كٶمەك قولىن سوزاتىندىعىمدى تٷسٸنەمٸن», - دەدٸ ول ۆولونتەرلەردٸڭ «Birgemiz» رەسپۋبليكالىق فرونت-كەڭسەسٸنٸڭ رەسمي اشىلۋىنا ارنالعان شارادا.
ارۋجان ماقسۇتوۆا ەلوردادا ٶتكەن ديماش قۇدايبەرگەننٸڭ كونتسەرتٸن, IronMan جارىسىن, كٶپتەگەن كونتسەرت پەن كٶرمەنٸ ۇيىمداستىرۋعا قاتىسىپ, ىسىلعان. ۆولونتەرلەرمەن اقشا جيناپ, بالالار ٷيلەرٸنە تاماق پەن ويىنشىقتار جٸبەرۋگە اتسالىسقان.
«سەبيلەردٸڭ جٷزٸندەگٸ شىنايى قۋانىش بٸزدٸ شابىتتاندىرادى. ەرينە, بۇل شارالاردىڭ بەرٸنەن بۇرىن مەنٸ ديماشتىڭ كونتسەرتٸ تاڭ قالدىردى. سٷيٸپ تىڭدايتىن, تەلەديداردان سان مەرتە تاماشالاعان ەنشٸڭنٸڭ جاندى بەينەسٸن جاقىننان كٶرگەن سەتتەگٸ سەزٸمدٸ سٶزبەن ايتىپ جەتكٸزۋ قيىن. ال سول باقىتتى سەت ۆولونتەرلٸكتٸڭ ارقاسىندا بۇيىردى», - دەدٸ جاس ۆولونتەر.
ۆولونتەرلٸككە قۇربىسىنىڭ ٷگٸتتەۋٸمەن كەلگەن ارۋجان بۇل ٸسٸنە ەش ٶكٸنبەيتٸندٸگٸن ايتادى.
«ۆولەنتەرلٸككە توسىننان كەلدٸم, بۇل قوزعالىسقا قۇربىم شاقىرعان ەدٸ. كەلٸسٸمٸمدٸ بەرگەن سەتتەن بەرٸ ەلٸ بٸر رەت تە ٶكٸنگەن ەمەسپٸن», - دەدٸ ول.
.jpeg)