فوتو: Polisia.kz
4 سەۋٸر كٷنٸ پوليتسيياعا ٷرەيلٸ حابارلاما كەلٸپ تٷستٸ: ٶتٸپ بارا جاتقان ادامدار كٶپٸردەن بٸر جاس جٸگٸتتٸڭ سەكٸرۋگە دايىندالىپ تۇرعانىن بايقاعان, دەپ حابارلايدى Ult.kz.
وقيعا ورنىنا پاترۋلدٸك پوليتسييا ەكيپاجدارى دەرەۋ جەتتٸ. العاشقىلاردىڭ بٸرٸ بولىپ پوليتسييا قىزمەتكەرلەرٸ نۇرجان ورالتاەۆ پەن نۇرسۇلتان ايىپ جٸگٸتكە جاقىندادى. ولار ٷيلەسٸمدٸ ەرەكەت ەتٸپ, ەكٸ جاقتان جٸگٸتتٸ ەڭگٸمەگە تارتىپ, نازارىن ٶزدەرٸنە اۋدارىپ, قاۋٸپتٸ ەرەكەتتٸڭ الدىن الۋعا تىرىستى. وسى كەزدە باسقا پوليتسەيلەر جولداعى قوزعالىستى رەتتەپ, كٶپٸر ٷستٸندە كٶلٸك كەپتەلٸسٸن بولدىرماۋعا كٷش سالدى.
جٸگٸت سەل الاڭداعان سەتتە, تەرتٸپ ساقشىلارى ونى شاپشاڭ تٷردە قولىنان ۇستاپ, قاۋٸپسٸز ايماققا سٷيرەپ شىعاردى. قارسىلىق كٶرسەتكەنٸنە قاراماستان, پوليتسەيلەر ونى ۇستاپ قالىپ, پسيحولوگييالىق قولداۋ كٶرسەتە بەردٸ.
ۋاقىتىلى ەرەكەت پەن كەسٸبي شەبەرلٸكتٸڭ ارقاسىندا پوليتسەيلەر 25 جاستاعى ازاماتتىڭ ٶمٸرٸن ساقتاپ قالدى. ول ەمدەۋ مەكەمەسٸنە جەتكٸزٸلدٸ.
