Фото: Премьер-министрдің баспасөз қызметі
Атырау облысында Жайық өзенінің су деңгейіне мониторинг жүргізіліп жатыр, сонымен қатар су тасқыны жағдайын тиімдірек бақылау үшін дрондар қолданылуда, деп хабарлады төтенше жағдайлар министрлігінің ресми сайты.
Жағаны нығайту жұмыстары да жүргізілуде – мәселен, бір күнде 70 үйден су бұрылып, сорылып, екі жүз мыңнан астам қап төселді.
Соңғы ресми мәліметке сәйкес, республика бойынша 43 015 адам үйіне оралды. 6 338 адам эвакуациялау пункттерінде қалды. Солтүстік Қазақстан, Атырау және Ақтөбе облыстарындағы 7710 тұрғын үй мен 2844 аула аумақтарынан су бұрылып, сорылды.
Апатты-құтқару және су тасқынына қарсы жұмыстарға 14 мыңнан астам адам мен 1529 техника, 226 су сорғыш және 100 жүзу құралдары, 6 ұшақ жұмылдырылған.
Шығыс Қазақстан облысында нөсер жауын жауып, осы себепті Бұқтырма және Кіші Үлбі өзендерінде су деңгейінің жоғарылауы байқалды.
Алтай және Глубоковский аймақтарына Төтенше жағдайлар департаменті, ТЖМ 68303 әскери бөлімі және Апатты медицинасы орталығының күштері мен құралдарының тобы жіберілді. Әуеден шолу бойынша рейстер орындалып жатыр.
1292 рет оқылды
