Фото: nazarmedia.kz
Соңғы бес жылдың ішінде қазақстандық мамандар жасөспірімдердің арасындағы жүктіліктің 43%-ға, босанудың 42%-ға төмендегенін, ал аборт көрсеткішінің 30%-ға азайғанын айтады, деп хабарлайды Ult.kz.
2025 жылғы 1 қаңтардағы дерек бойынша елімізде 15-17 жас аралығындағы жасөспірімдердің саны – 1 041 540 адамды, оның ішінде қыздар – 506 436-ны, ұлдар – 535 104-ті құрайды. Бұл туралы Орталық коммуникациялар қызметінде өткен баспасөз мәслихатында айтылды.
Айта кетейік 12-16 мамыр аралығында Қазақстанның барлық өңірлерінде репродуктивті денсаулық апталығы өтеді.
Акцияның мақсаты – халықтың репродуктивті денсаулығын нығайту, отбасын жоспарлау, прегравидарлық дайындық, жыныстық жолмен берілетін инфекциялардың алдын алу туралы хабардарлықты арттыру және әсіресе жасөспірімдер мен жастар арасында репродуктивті мінез-құлық мәселелеріне жауапкершілікпен қарауды қалыптастыру.
Апта аясында бүкіл ел бойынша іс-шаралар кешені, оның ішінде алғашқы медициналық-санитарлық көмек ұйымдарында және 103 Жастар денсаулық орталықтарында (ЖДО) Ашық есік күндері, гинекологтардың, урологтардың, дерматовенерологтардың, психологтардың және әлеуметтік қызметкерлердің тегін консультациялары өткізіледі. Сарапшылар отбасын жоспарлау, вакцинация мүмкіндіктері, АИТВ/ЖЖБИ алдын алу, әйелдер мен мужчин прегравидарлық даярлығы тақырыптарында оқыту семинарларын, дәрістер мен баяндамалар өткізеді.
Апта аясында ақпараттық-ағарту іс-шаралары, денсаулық орталықтарында ашық есік күндері, жасөспірімдерге арналған тегін медициналық тексерулер мен кеңестер ұйымдастырылады.
3526 рет оқылды
