Скриншот
Ірі құрылыс компаниясы Sensata бұрынғы ұлттық экономика министрі Қуандық Бишімбаев пен оның серіктестерінің бақылауында болған, деп хабарлайды «Ұлт ақпарат».
«Менің білуімше, бұл ғимарат («Гастро-центр») Қуандық пен оның серіктестеріне, сондай-ақ «Sensata» компаниясына тиесілі, мұнда Бақытжан (Байжанов, Бишімбаевтың туысы, «Гастро-центр» директоры ) негізін қалаушы болды. Мен пәтер алған кезде Бақытжан шағын жеңілдік жасады», - деді Айтым Амангелді жұма күні сотта.
Салтанат Нүкенованың ағасы Айтым Амангелді қарындасын Бишімбаев айуандықпен өлтірді деп айыптайды.
Сонымен қатар, прокурор Бишімбаев пен Байжановтың қарым-қатынасын сұрады.
«Мен бұл туралы ештеңе айта алмаймын, тек пәтерге қатысты барлық нұсқауларды Байжанов орындаған, ал Sensata бойынша бәрі Байжанов арқылы өткен», - деді А.Амангелді.
Ал Sensata мәліметіне сәйкес, ол премиум, бизнес және комфорт класындағы тұрғын үйлерді салуға маманданған.
Естеріңізге сала кетейік, 2023 жылы 9 қараша күні кешке әлеуметтік желіде экс-министр Қуандық Бишімбаевтың әйелі Салтанат Нүкенованы ұрып өлтіргені туралы хабарлама тараған болатын. 2024 жылдың 8 қаңтарында экс-министр Бишімбаевты айуандықпен өлтірді деп айыпталып отыр. Ал айыпталушы Бишімбаев өз кінәсін мойындамайды.
698 рет оқылды
