Маңғыстау және Қостанай облыстарында екпе алуға тиіс халықтың жартысы ғана вакцина салдырған. Бұл туралы ҚР Премьер-Министрі Әлихан Смайылов Үкімет отырцсында мәлім етті, деп хабарлайды ҚазАқпарат.
«Мектеп оқушылары арасында коронавирус инфекциясының көбейгенін ескеріп, әкімдерге барлық оқу орындарында санитариялық-эпидемиологиялық режимнің бұлжытпай сақталуын қамтамасыз етуді тапсырамын. Сондай-ақ халықты вакциналау және ревакциналау жұмыстарын барынша күшейту қаже», - деген Премьер-Министр бұған дейін берілген тапсырмаларға қарамастан, Маңғыстау және Қостанай облыстарында екпе алуға тиіс халықтың жартысы ғана вакцина салдырғанын атап өтті.
Айуынша, ел астанасы мен Алматыда және Маңғыстау облысында ревакциналау қарқыны жақсармаған.
«Ал, Шығыс Қазақстан облысында вакцинамен қамту 100 процент, ревакциналау шамамен 80 процентке жетіп отыр. Жамбыл облысында вакцина салдыру 100 процентке, ал ревакциналау – 66 процентке жуықтады.
Бұл – басқа өңірлер үшін үлгі боларлық жұмыс. Көш соңындағы аймақтардың әкімдері вакциналау және ревакциналау мәселесін күнделікті бақылауға алуы тиіс», - деді Үкімет басшысы.
536 рет оқылды
