Қазақстандық кәсіпқой боксшы Жәнібек Әлімханұлы (11-О, 7 КО) кезекті жеңісіне қарамастан, Boxrec.сom рейтингіндегі орны өзгерген жоқ, деп хабарлайды ҚазАқпарат Sports.kz сайтына сілтеме жасап.
Франция боксшы Хассан Ндам Нжикаммен (38-6, 21 КО) жекпе-жегі алдында Әлімханұлы орта салмақтағы боксшылар рейтингінде сегізінші орында тұрған.
Жәнібек Нжикамды сегізінші раундта техникалық нокаутпен жеңді, алайда бұл жетістігі Boxrec.сom-дағы жағдайына әсер еткен жоқ. Рейтингте қазақстандық боксшы бұрынғы орнында қалды.
1164 рет оқылды
