Белградтағы өтіп жатқан әлем чемпионатында үшінші қазақстандық боксшы финалға шықты, деп хабарлайды "Ұлт ақпарат".
51 келіге дейінгі салмақта сынға түскен Сәкен Бибосынов жартылай финалдан сүрінбей өтті. Ол таиландтық Танаарат Саенгфеттен 4:1 есебімен басым түсті.
Осылайша, Сәкен өз мансабында алғаш рет әлемдік доданың ақтық бәсекесіне өтіп отыр. Бибосыновтың финалдағы қарсыласы - америкалық Рокси Холл.
Айта кетелік, бұған дейін Теміртас Жүсіпов (48 келі) пен Махмұд Сабырхан (54 келі) әлем чемпионатының финалына өтсе, Абылайхан Жүсіпов (67 келі) қола жүлдегер атанған болатын.
1167 рет оқылды
