Иран астанасы Тегеран қаласының маңында «Боинг-707» ұшағы құлап, он адам қаза тапты, деп хабарлайды ИРНА агенттігі.
Қайғылы оқиға Тегеранның батысында, Әлборз провинциясында орналасқан «Фатх» авиация базасында болған. «Боинг-707» ұшағы Бішкектен Иранның Пайам Кередж әуежайына бара жатқан.
«Құлаған жолаушылар ұшағы емес», - дейді төтенше жағдайлар агенттігінің өкілі Миджитаба Халиди.
Алдын ала деректерге қарағанда, ұшақ бортында болған он адамның барлығы қаза тапқан.
Желіде тараған видеолардан ұшақ құлаған жерден қою түтін шығып жатқаны көрінеді.
1715 рет оқылды
