Alkhaleejtoday.co сайты БАӘ чемпионатындағы ең қымбат 25 футболшының тізімін ұсынды. Тізімде Қазақстан құрамасының жартылай қорғаушысы Бауыржан Исламхан бар, - деп хабарлайды Sports.kz.
Басылымның мәліметі бойынша, Исламхан 9-орынды өзінің «Аль-Айнадағы» әріптесі Коджо Лабоймен, сондай-ақ «Шарджидің» жартылай қорғаушысы Лукас Кайомен бірге бөліскен.
Аталған футболшылардың трансферлік бағасы – 2,4 млн еуро. Рейтингте бірінші орында трансферлік бағасы 4,8 млн еуро болатын «Шарджидің» бразилиялық ойыншысы Игор Коронадо тұр.
Еске сала кетейік, 31 қаңтарда Исламхан «Аль-Айн» клубына өткен болатын. Оның келісімшарты 2020 жылдың 30 маусымына дейін жарамды. Қазақстандық жартылай қорғаушы 10 матч өткізіп, 1 гол соғып, 3 нәтижелі пас берді. 19 матчтан кейін «Аль-Айн» БАӘ чемпионатында екінші орында тұр.
