29 жел, 2024 сағат 15:02

Бакуде Ақтаудағы ұшақ апатынан қаза тапқан экипаж мүшелерімен қоштасу рәсімі өтіп жатыр

Фото: Oxu.Az

29 желтоқсанда Гейдар Әлиев атындағы халықаралық әуежайда Баку-Грозный рейсін орындаған «Әзірбайжан әуе жолдары» (AZAL) ЖАҚ-ның Embraer-190 жолаушылар ұшағының апатынан қаза тапқан экипаж мүшелерімен қоштасу рәсімі басталды, деп хабарлайды Orda.kz.

Oxu.Az хабарлағандай, қоштасу рәсіміне олардың отбасы мүшелері, шенеуніктер мен қоғам өкілдері қатысуда.
Қаза тапқан үш экипаж мүшесі - кеме командирі Игорь Кшнякин, ұшқыш Александр Кальянинов және бортсерік Хекума Алиева бүгін II Құрмет аллеясында жерленеді.

J2-8243 Баку рейсін орындаған Әзірбайжан әуе жолдарының (AZAL) Embraer 190 ұшағының Ақтау қаласының маңында апатқа ұшырауынан қаза тапқан үш экипаж мүшесі - ұшқыштар Игорь Кшнякин, Александр Кальянинов және стюардесса Хёкума Алиеваның мәйіттері Бакудегі Гейдар Әлиев атындағы халықаралық әуежайға жеткізілді.

Oxu.Az хабарлағандай, салтанатты шара сағат 10:00-де басталды. Естеріңізге сала кетейік, 25 желтоқсан күні таңертең Баку - Грозный № J2-8243 рейсін орындайтын Әзірбайжан әуе жолдарының (AZAL) Embraer 190 жолаушылар ұшағы Қазақстанның Ақтау қаласының маңында апатқа ұшыраған болатын. Бортта 67 адам, оның ішінде 5 экипаж мүшесі (37-сі Әзірбайжан, 16-сы Ресей, алтауы Қазақстан және үшеуі Қырғызстан азаматы) болған.

Соңғы мәліметтер бойынша, апаттан 38 адам қаза тапты, 29-ы аман қалды, олардың арасында екі ұшқышты қосқанда үш экипаж мүшесі бар. 26 желтоқсанда Әзірбайжанға 14 жаралы мен төрт өлген адамның денесі жеткізілді.

Айта кетейік, апаттан кейін президент Ильхам Әлиевтің тапсырмасы бойынша премьер-министр Әли Асадовтың басшылығымен оқиға себептерін анықтау үшін мемлекеттік комиссия құрылған болатын. Мемлекет басшысы 26 желтоқсанды Әзірбайжанда қаралы күн деп жариялау туралы жарлыққа да қол қойды.