Алматыдағы тәртіпсіздік: телеарна бұған дейін жарияланбаған видеоларды көрсетті
КТК телеарнасы Алматыдағы тәртіпсіздіктер кезіндегі эксклюзив кадрларды жариялады, - деп хабарлайды Tengrinews.kz.
Оның ішінде Алматыдағы тәртіпсіздіктердің алғашқы сағатындағы дроннан түсірілген кадрлар да бар. Видеода ұйымдасқан топ қала орталығына жолай көліктерді өртеп, полицейлерге шабуыл жасап кетіп бара жатқаны көрсетілген.
Сонымен қатар, телеарна 5 қаңтарға қараған түні әкімдіктегі кіреберісте түсірілген видеоларды көрсетті. Видеода дубинамен қаруланған топ тек қалқанмен қорғанған полицейлерді қысып жатқаны көрсетілген.
Одан бөлек, әкімдіктің арт жағында түсірілген видео бар. Ол жерде әскерилер мен полицейлерді тізерлетіп, ұрып, олардан формасын шешіп алып жатқаны көрсетілген.
Соңғы видео 5 қаңтарда кешкі уақытта президент резиденциясына қарама-қарсы және әкімдіктен сәл жоғары орналасқан мемлекеттік музейдегі бақылау камерасына түсіп қалған. Видеода бетін жауып алған белгісіз адамдар көшеде намаз оқып жатқаны көрсетілген.
3023 рет оқылды
