Фото: Dmitri Kotjuh / Järva Teataja
"ҚазМұнайГаз" ұлттық компаниясы төрағасының орынбасары Дмитрий Макеев еліміздегі жанармай құю бекеттеріндегі АИ-95 маркалы бензин тапшылығына қатысты сұраққа жауап берді, - деп хабарлайды Tengrinews.kz.
Макеевтің айтуынша, қазір АИ-95 маркалы бензинді өндіруге күштің негізгі бөлігі Атырау мұнай өңдеу зауытына түскен. Осыған байланысты жанармай құю бекеттеріндегі бензин тапшылығы жанар-жағармай әлі жеткізіліп үлгермегендіктен болып отыр.
"Бұл ең алдымен, логистикаға байланысты. Өйткені жанар-жағармай материалдарын батыстан оңтүстік аймақтарға жеткізу екі аптаға созылуы мүмкін. Қазір оларда өнім бар, сондықтан жолға шығуға дайындалып жатыр. Дегенмен біздің еліміз өте үлкен және қашықтық та біршама алыс, сол үшін бізде логистика уақыт алады. Біз тиісті техникалық іс-шаралар өткіздік. "Атырау мұнай өңдеу зауыты" өндірістің үлкен көлемін өз мойнына алды және бізде келісілген көлемдер орындалып жатыр", - деді "ҚазМұнайГаз" төрағасының орынбасары.
Журналистер Макеевтен бұл жағдайда бағыттарды қайта қарап, жанар-жағармай жеткізу үдерісін қалай жеделдетуге болатынын сұрады.
"Біз Энергетика министрлігімен, "Қазақстан темір жолымен" үнемі жұмыс істейміз. Егер жеткізілімдердің қозғалысы басымдыққа ие болуы үшін шұғыл түрде "жасыл дәліз" қажет болса, тұрақты түрде жұмыс істейміз. Бірақ біз тасымалдаудың физикалық уақытын өзгерте алмаймыз. Бұл - сіз ойлағандай физикалық қозғалыс. Жеткізудің белгілі бір үзілістері бар. Бұл оңай процесс емес екенін түсіну керек. Біз бұл сын орынды екенін мойындаймыз, онымен жұмыс істеп жатырмыз", - деді Макеев.
661 рет оқылды
_140_110.jpg)
