QR Aýyl sharýashylyǵy ministrligi orman sharýashylyǵy jáne janýarlar álemi komitetiniń basqarma basshysy Nariman Júnisovtyń aitýynsha, búginde akvatoriide balyq tapshylyǵy qatty baiqalady. Sol sebepti teńizde balyqty aýlaý kásibine ýaqytsha tyiym salý máselesi kóterildi, dep xabarlaidy QazAqparat tilshisi.
«Bul bastamany Atyraý oblysynyń ákimdigi de qoldap otyr. Balyq sharýashylyǵy ǵalymdary da osy máseleni talqylap shyqty. Birinshi talqylaýǵa Mańǵystaý ákimdigi men balyqshylar qatysty. Qarsylyq joq siiaqty. Degenmen, ol másele áli de talqyǵa salynatyn bolady. Sebebi búginde osy aimaqta balyq sharýashylyǵymen ainalysatyndar az emes», - dedi Júnisov búgin Astanada ótken baspasóz máslixatynda.
Onyń aitýynsha, búginde balyq aýlaýǵa tyiym, ia bolmasa oǵan ýaqytsha shekteý salý úshin biologiialyq negizdeme kerek. Jaqynda ótken alǵashqy otyrysta atalǵan negizdemeni ázirleý týraly sheshim shyǵaryldy.
«Sol kezde Kaspii teńizinde balyq aýlaýǵa tolyǵymen tyiym salynady, ia bolmasa, shekteý engiziledi. Sondyqtan qazir naqty keńesterdi kúte turaiyq», - de atap kórsetti basqarma basshysy.
