Halyq júris-turystyń jańa erejelerin ustanýǵa kóshýi tiis. Bul týraly QR memlekettik bas sanitarlyq dárigeri Aijan Esmaǵambetova aitty, dep habarlaidy "Ult aqparat".
«Árbir adam jaǵdaiǵa barynsha jaýapkershilikpen qaraýy tiis. Syrqattanyp qalmaý, jaqyndarymyzǵa juqtyryp almaý, ujymymyz ben otbasymyzǵa virýs alyp kelmeýimiz úshin barlyǵyn jasaýymyz kerek. Halyq júris-turystyń jańa erejelerine - qol gigienasy standartyna, respiratorlyq ádepke jáne araqashyqtyqty ustanýǵa kóshýi tiis», - dedi búgin elimizdiń bas sanitarlyq dárigeri Ortalyq kommýnikatsiialar qyzmetindegi brifingte.
Sonymen qatar ol adamdar kóp jinalatyn jerlerge barmaýǵa, óz otbasyńnyń múshelerimen ǵana qarym-qatynas jasaýǵa, qonaqqa barmaýǵa jáne qonaq shaqyrmaýǵa, jeke ári respiratorlyq gigienany, qoǵamdyq orynda áleýmettik araqashyqtyqty saqtaýǵa, kez kelgen qarym-qatynas kezinde meditsinalyq maska taǵýǵa, antiseptikter paidalanýǵa keńes berdi.
