#
#
Сейсенбі 02/06/2020

«ҚазМұнайГаз» басшыларының айлығы қысқармақ

  • 18.05.2020
  • 0
  • 172

Қаржылық мәселелерге байланысты «ҚазМұнайГаз» ұлттық компаниясы қызметкерлерінің жалақысы қысқармақ, деп хабарлайды ҚазАқпарат.

«Мамыр айында «ҚазМұнайГаз» компаниясының басқарма шешімімен орталық аппаратта жалақы төлеудің жаңа жүйесі бекітілді. Ол жүйе бойынша басшылық құрамының жалақысы 30 пайызға азаяды. Ал басшылық қызметтердің санының қысқаруына байланысты төменгі лауазымға тағайындалатын орта буынды менеджерлердің жалақылары 20 пайызға төмендейді. Басқа – қатардағы қызметкерлердің жалақысы бұрынғы деңгейде сақталады», - деді «ҚазМұнайГаз» ҰК» АҚ адами ресурстарды басқару жөніндегі атқарушы директоры Дәулетжан Хасанов ОКҚ-да өткен баспасөз мәслихатында. 

Сонымен бірге, Дәулетжан Хасанов «ҚазМұнайГаз» компаниясы қаржылық жағдайға байланысты сыйақыдан бас тартқанын мәлім етті.

«Жыл соңына дейін ешқандай сыйақы немесе бонустар төленбейді. Мұнай нарығында қалыптасқан жағдай қаншалықты қиын болса да біз әрбір қызметкердің, олардың отбасының алдындағы әлеуметтік жауапкершілігін толық сезінеміз. Сондықтан «Самұрық-Қазына» ұлттық әл-ауқат қорының тапсырмасы бойынша әлеуметтік жауапкершілік бойынша бағдарлама әзірледік. Осы бағдарламаға сәйкес біз жұмыссыз қалған қызметкерлерге барынша қолдау көрсетеміз», - деді ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар