ҚР Энергетика вице-министрі Әсет Мағауов еліміздегі қоймаларда қанша бензин бар екенін айтты, деп хабарлайды ҚазАқпарат.
«Мұнай өнімдерін пайдалану көлемінің төмендеуі аясында жанар-жағармай қалдықтарының артуын байқадық. Биылғы 15 мамырдағы жағдай бойынша Аи-92 маркалы бензинінің қоры 379 мың тонна құрады. Бұл көлем шамамен 44 күнге жетеді», - деді вице-министр Орталық коммуникациялар қызметінде.
Оның сөзіне қарағанда, дизель отыны бойынша 356 мың тонна жиналған. Отынның бұл көлемі 34 күнге жеткілікті.
Осы орайда ол жанар-жағармай материалдарын сақтау қоймаларының толып кетуін болдырмауға, сондай-ақ мұнай өңдеу зауыттарының үздіксіз жұмысын қамтамасыз етуге бағытталған шаралар қабылданғанын еске салды.
Бұдан бұрын хабарланғандай, Әсет Мағауов елімізде бензинге сұраныс төмендегенін айтты.
1077 рет оқылды
