«Қарапайым заттар экономикасы» бағдарламасына қосымша 400 млрд теңге бөлінеді. Бұл туралы бүгін Үкімет отырысында ҚР Ұлттық экономика министрі Руслан Дәленов айтты, деп хабарлайды "Ұлт ақпарат".
«Бизнестің жол картасы-2025» және «Қарапайым заттар экономикасы» бағдарламаларын синхрондау аясында кәсіпкерлер үшін теңгелік қаржыландыруға қолжетімділікті көтеру көзделеді. Біріншіден, несиелендіру 1 трлн теңгеге дейін, яғни 400 млрд теңгеге ұлғаяды», - деді кәсіпкерлікті және отандық өндірісті қолдау шаралары жайында баяндаған министр.
Оның атап өтуінше, қаражат ең алдымен импортқа тәуелділікті төмендету және азық-түлік қауіпсіздігін қамтамасыз ету үшін отандық өнім өндірушілерге беріледі. «Бизнестің жол картасы-2025» мемлекеттік бағдарламасы бойынша несиелендірудің жоғарғы шегі 7 млрд теңгеге дейін ұлғаяды. Ағымдағы шығыстарды жабу үшін бизнестің айналым қаражатын қаржыландыруды кеңейту ұсынылады.
«Несиелер бойынша түпкілікті сыйақы мөлшерлемесі біріктендіріледі және 6 пайызды құрайды. «Бизнестің жол картасы-2025» бағдарламасында салалық шектеулер алынадыжәне «Қарапайым заттар экономикасы» бағдарламасында басым тауарлар тізбесі кеңейтіледі«, - деді Руслан Дәленов.
939 рет оқылды
