Arys qalalyq ákimdiginiń baspasóz qyzmeti qaladaǵy jai-kúimen tanysý úshin bir top senator kelgenin habarlady, – dep habarlaidy "Ult Aqparat".
Arystyqtardyń jai-kúiimen tanysý úshin QR Parlamenti Senatynyń Halyqaralyq qatynastar, qorǵanys jáne qaýipsizdik komitetiniń tóraǵasy Muhtar Qul-Muhammed jáne Qarjy jáne biýdjet komitetiniń múshesi Áli Bektaev, Qazaqstan Respýblikasy Parlamenti Senatynyń Ekonomikalyq saiasat, innovatsiialyq damý jáne kásipkerlik komitetiniń tóraǵasy Asqar Beisenbaev, Ekonomikalyq saiasat, innovatsiialyq damý jáne kásipkerlik turaqty komitetiniń múshesi Álimjan Qurtaev Túrkistan oblysyna arnaiy keldi.
«Jarylys bolǵan sátten jedel jumys atqarǵan shtab jumysyn joǵary baǵalaimyn. Óitkeni, eń basynda naqty sheshim qabyldanbai, jumys júieli júrmese, apat saldary budan da aýyr bolatyn edi. Arystaǵy jaǵdai áli de qazaq halqynyń bereke-birliginiń baryn kórsetti. Qazirgi kezde halyqty úreilendiretin, jalǵan aqparat kóp taraýda. Osy oraida, barshaǵa, jýrnalister qaýymyna shynaiy aqparat taratyńyzdar degen tilek aitqym keledi», - dedi M.Qul-Muhammed.
Al Asqar Beisenbaev qaitys bolǵan azamattardyń otbasyna, aǵaiyndaryna kóńil aityp, shtab jumysynyń júieli júrgizilip jatqanyn atap ótti.
Senatorlar Ordabasy aýdany, Aqjol aýyly, Jambyl atyndaǵy orta mektepte ornalasqan arnaiy shtab jumysymen jiti tanysyp, tótenshe jaǵdai boiynsha tynbai jumys atqaryp júrgen azamattarǵa joǵary baǵa berdi. Osydan soń senatorlar Arys qalasyndaǵy ekinshi shtab jumysymen tanysýǵa jolǵa shyqty.
