وڭتٷستٸك قازاقستان وبلىسىندا جىل سوڭىنا دەيٸن 20 مەدپۋنكت پايدالانۋعا بەرٸلەدٸ. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا دەنساۋلىق ساقتاۋ باسقارماسىنىڭ باسشىسى مۇقان ەگٸزباەۆ جارييا ەتتٸ.
جىل باسىنان بەرٸ اتقارىلعان جۇمىستاردى بايانداعان سپيكەردٸڭ ايتۋىنشا, ٶڭٸردە بۇدان ٶزگە 4 ٸرٸ ەمحانانىڭ قۇرىلىس جٷرگٸزٸلٸپ جاتىر.
«بيىل جەرگٸلٸكتٸ بيۋدجەت قاراجاتى ەسەبٸنەن 3,7 ملرد. تەڭگەگە 34 نىسان سالىنىپ, 1,92 ملرد. تەڭگەگە 10 نىساندا كٷردەلٸ جٶندەۋ جۇمىستارى جٷرٸپ جاتىر. وبلىس تاريحىندا بٸرٸنشٸ رەت بٸر كەزەندە سايرام, ماقتاارال اۋداندارى مەن كەنتاۋ قالاسىندا 4 ٸرٸ ەمحانانىڭ قۇرىلىسى قاتار جٷرگٸزٸلۋدە», - دەدٸ وبلىستىڭ باس دەرٸگەرٸ.
مەملەكەتتٸك-جەكەشەلٸك ەرٸپتەستٸك شەڭبەرٸندە دەنساۋلىق ساقتاۋ ينفراقۇرىلىمىن ودان ەرٸ دامىتۋدى قامتاماسىز ەتۋ ٷشٸن شىمكەنت قالاسىندا «قايتپاس» شاعىناۋدانىندا بٸر اۋىسىمدا 500 ادام قابىلدايتىن ەمحانا سالىنۋدا. بۇدان باسقا وبلىس ورتالىعىندا تاعى قالالىق 3 ەمحانا سالىنادى. ال وقو ەكٸمدٸگٸ جاڭا ونكولوگييالىق ديسپانسەرٸن سالۋعا جەر تەلٸمٸن بٶلدٸ. تۋبەركۋلەزگە قارسى ديسپانسەرٸن قالا شەتٸنە شىعارۋ مەسەلەسٸ شەشٸلدٸ. سارىاعاش جەنە شىمكەنت قالالارىندا پەريناتالدى ورتالىقتار سالۋعا جەر تەلٸمدەرٸ بٶلٸندٸ.
«ٶڭٸردە مودۋلدٸك قۇرامالى مەديتسينالىق پۋنكت ساتىپ الۋ جوباسى ٸسكە قوسىلدى. مۇنىڭ ەرەكشەلٸگٸ بٸر پۋنكتتٸڭ قۇنى جەرگٸلٸكتٸ بيۋدجەت ٷشٸن قۇرىلىس سالۋعا قاراعاندا ەكٸ ەسە ارزانعا تٷسەدٸ. بۇرىن مۇنداي قۇرىلىس جٷرگٸزۋگە 2 جىلداي ۋاقىت كەتەتٸن. ال مودۋلدٸك مەدپۋنكتٸ تولىق ٸسكە قوسۋعا نەبەرٸ 2-اق اي ۋاقىت كەتەدٸ. وبلىس ەكٸمدٸگٸنٸڭ قولداۋىمەن بيىل وسىنداي 20 پۋنكت ورناتىلادى. 2018 جىلى 67-سٸ پايدالانۋعا بەرٸلەدٸ. وسىلايشا وبلىستىڭ مەديتسينالىق پۋنكتتەرگە دەگەن قاجەتتٸلٸگٸن قىسقا مەرزٸمدە 100% ٶتەيتٸن بولامىز», - دەدٸ م.ەگٸزباەۆ.
جەدەل مەديتسينالىق كٶمەك قىزمەتٸن حالىقارالىق ستاندارتتارعا سەيكەستەندٸرۋ جەنە جاڭعىرتۋ ماقساتىندا شىمكەنت قالالىق جەدەل مەديتسينالىق جەردەم كٶرسەتۋ ستانتسيياسى سەنٸمگەرلٸك باسقارۋعا شەتەلدٸك كومپانيياعا بەرٸلدٸ. وعان قوسىمشا 6 بەكەت اشىلدى.
