Аралас жекпе-жектен қазақстандық файтер Жалғас Жұмағұлов UFC-мен жаңа келісімшартқа қол қойды, оны менеджер Саят Әбдірахманов Instagram желісінде құттықтады, - деп хабарлайды Tengrinews.kz тілшісі Vesti.kz басылымына сілтеме жасап.
Келісім төрт жекпе-жекке жасалды, спортшы сегізбұрышқа қашан оралатыны белгісіз.
Жұмағұловтың кейінгі жекпе-жегі UFC 264 турнирі аясында Лас-Вегаста (Невада, АҚШ) өткен. Оның қарсыласы америкалық Джером Ривера болды, ол оны қылғындыру әдісімен жеңген. Жалғас үшін бұл жеңіс UFC-дегі бірінші жеңіс болды, оған дейін ол екі рет ұтылған еді.
1170 рет оқылды
