Норвегия Палестинаны тәуелсіз мемлекет ретінде ресми түрде мойындады. Тәуелсіздікті тану туралы шешім 28 мамырда күшіне енеді. Ирландия мен Испания да Палестинаны мойындағанын жариялады.
Норвегия Палестинаны тәуелсіз мемлекет ретінде ресми түрде мойындайды. Бұл туралы TKL34 премьер-министрі Йонас Гар Стере мәлімдеді. Бұл ақпарат үкімет сайтында жарияланды.
"Үкімет Норвегия Палестина мемлекетін мойындайды деп шешті. Он мыңдаған адам қаза тауып, жараланған соғыс кезінде біз израильдіктерге де, палестиналықтарға да қауіпсіз баспана бере алатын жалғыз нәрсені сақтауымыз керек: бір-бірімен тату өмір сүре алатын екі мемлекет", - деді премьер-министр Йонас Гар Стере.
Норвегияның Палестинаны ресми түрде мойындау туралы шешімі сейсенбі, 28 мамырда күшіне енетіні хабарланды.
Норвегиядан кейін, Politico сайтының жазуынша, Ирландия да Палестинаның тәуелсіздігін мойындады. Басылым ирландиялық шенеунікке сілтеме жасап, елдің Палестинаны мемлекет ретінде ресми түрде мойындайтынын жазды, бұл қадам кем дегенде басқа екі еуропалық үкіметпен келісіледі деп күтіліп отыр.
Euronews арнасының хабарлауынша, Испания премьер-министрі Педро Санчес оның елі 28 мамырда Палестинаны мемлекет ретінде танитынын айтты. Испания социалистерінің жетекшісі бұл мәлімдемені сәрсенбіде ел парламентінде жасады. Санчес Палестинаны тануға, сондай-ақ Газада ықтимал атысты тоқтатуға қолдау көрсету үшін бірнеше ай бойы Еуропа мен Таяу Шығыс елдерін аралаған.
Айта кетейік, ақпанда Израильдің Палестина мемлекеттілігін мойындаудан бас тартқаны хабарланған болатын. Содан кейін Израиль үкіметі Батыс елдерінің Палестина мемлекеттілігін біржақты мойындау әрекеттерін ресми түрде қабылдамады.
1408 рет оқылды
