- Бүгін Үкімет үйінде ҚР Премьер-Министрі Бақытжан Сағынтаев ҚР ішкі істер министрі Қалмұханбет Қасымовтың «Қазақстан Республикасының кейбір заңнамалық актілеріне экстремизм мен терроризмге қарсы іс-қимыл мәселелері бойынша өзгерістер мен толықтырулар енгізу туралы» ҚР Заңын іске асыру барысы жөніндегі есебін тыңдады. Бұл туралы Ұлт.кз тілшісі хабарлайды.
Министрліктің халық арасында түсіндіру жұмыстары бойынша қабылдаған шаралары, сонымен қатар азаматтардың уақытша келген жерінде тіркеу мәселелері талқыланды.
Анықтама: Мәлім болғандай, тұрғылықты жері бойынша тіркеу талаптары жалпы әлемдік тәжірибе болып табылады. Қазақстанда халықты тұрғылықты жері мен уақытша өмір сүру орны бойынша есепке алу заңнамада қарастырылған.
Сонымен қатар, заңда тұрғын үй иесінен үйінде тұратын адамдарды тіркеумен қамтамасыз ету міндеті бастапқыда болмаған.
Еске сала кетейік, биылғы 7 қаңтарда, «Қазақстан Республикасының кейбір заңнамалық актілеріне экстремизм мен терроризмге қарсы іс-қимыл мәселелері бойынша өзгерістер мен толықтырулар енгізу туралы» ҚР Заңына сәйкес, тұрғын үйді жалға берушілер меншік иесіне тиесілі тұрғын үйлерде жеке тұлғаларға тіркеусіз өмір сүруге жол бергені үшін әкімшілік жауапкершілікке тартылатын болады.
Заң қоғамдық қауіпсіздікпен қамтамасыз ету мен экстремизм мен терроризмге қарсы іс-қимыл шараларын күшейтуге бағытталған.
2735 рет оқылды_140_110.webp)
