29 шілдеде UEFA Конференция лигасы екінші іріктеу сатысында қазақстандық «Тобыл» командасы Хорватияның «Хайдук» клубымен қарымта ойын өткізді, деп хабарлайды "Ұлт ақпарат".
Еске салсақ, екі команда арасындағы алғашқы кездесуде хорватиялық клуб 2:0 есебімен басым түскен болатын. Сондықтан қостанайлық клуб үшін бүгін кем дегенде үш гол айырмасымен жеңіске жетуі тиіс еді.
Бірінші кезеңде екі команда шабуыл шебіне көбірек шықты. Десе де таблодағы есеп өзгерген жоқ.
Екінші кезеңде «Тобыл» алға қарай ұмтыла түсті. Нәтижесінде олардың қатарынан 16-минутта Душан Йованчич есеп ашты. Одан кейін қостанайлық клубтың шабуылшысы Игорь Сергеев 61, 67-минутта қос голдың авторы атанды.
Осылайша «Тобыл» 3:0 есебімен алда тұрған еді. Бұл жарыстың келесі сатысына шығуға жеткілікті болатын. Дегенмен қарсылас клуб ойыншысы Эмир Сахити 94-минутта бір гол соғып кетті. Нәтижесінде екі ойынның нәтижесімен есеп 3:3 болды. Ойын овертаймға ұласты. Овертаймның 118-минутында Асхат Тағыберген тағы да «Тобылды» алға шығарды.
Кездесуде «Тобыл» қарсыласын 4:1 есебімен жеңіп, жарысты жалғастыруға мүмкіндік алды. Енді олар 5 және 12 тамыз күндері Аполлон» (Кипр) және «Жилина» (Словакия) жұбының жеңімпазымен кездеседі.
Айта кетсек, бүгін UEFA Конференция лигасы екінші іріктеу сатысында Қарағандының «Шахтері» Румынияның ФКСБ (бұрынғы атауы «Стяуа») клубынан басым түсті.
1152 рет оқылды
