Фото: ашық дереккөзден
Түркияның дөнер-кебабты Еуропалық Одақта дәстүрлі түрік өнімі ретінде тіркеуге өтініші Германияда наразылық тудырды, -деп хабарлайды "Ұлт Ақпарат" DW-ға сілтеме жасап.
Стамбулдағы халықаралық дөнер-кебаб Федерациясы немістер үйренген бұзау етін қоспай, тек қой мен сиыр етінен тағам дайындау үшін нан қалыңдығының стандарттарын белгілеп, ет түрлерін шектегісі келеді.
Яғни, Түркия дөнер-кебабты кепілдендірілген дәстүрлі ерекшеліктері бар еуропалық азық-түлік тізіміне қосқысы келеді. Dwglavnoe Telegram арнасы атап өткендей, егер өтініш қабылданса, дөнер-кебаб итальяндық неаполитандық пицца, моцарелла ірімшігі немесе серрано жамбас еті сияқты қорғалатын болады. Бұл дөнерді дайындау технологиясын сақтамағаны үшін айыппұл салынатынын білдіреді.
Дөнер өндірісінің стандарттарының өзгеруі неміс нарығына қатты әсер етеді және жағымсыз экономикалық салдарға әкеледі. ГФР билігі Еурокомиссияға қарсылық білдіріп үлгерді. Бұл денер Берлин мен Стамбул арасындағы дипломатиялық араздықты бірінші рет тудырып отырған жоқ. Сәуірде ГФР президенті Фрэнк-Вальтер Штайнмайер денерді Берлиннен Анкараға түрік мигранттарына ризашылық білдіру үшін әкелді, соның арқасында тағам Германияда 1970-ші жылдары тамыр жайды. Бірақ бұл Түркияда басқаша қабылданды.
Дөнер-Германиядағы фаст-фудтың ең танымал түрлерінің бірі. Ол тіпті әйгілі Берлин карривурст шұжықтарынан да кең тараған.
Дөнер-кебаб Германияда ғана емес, Қазақстанда да аса танымал тағамдардың бірі екенін де айта кеткен жөн. Қазақстанда бұл асты сияр, тауық, қой, тіпті жылқы етінен де даярлайды.
1909 рет оқылды
