Токио Олимпиадасында қазақстандық Сәкен Бибосыновтың (52 келі) жартылай финалда кіммен кездесетін белгілі болды, деп хабарлайды "Ұлт ақпарат".
Еске салсақ, бүгін ширек финалда қазақстандық спортшы испаниялық Габриэль Эскобардан 3:2 есебімен басым түсті. Енді оның жартылай финалдағы қарсыласы - ұлыбританиялық Галал Яфай.
Ол 1992 жылы 11 желтоқсанда дүниеге келген. Бұдан бұрын дүниежүзілік деңгейде жетістікке жете қойған жоқ.
Галал Яфай бүгін ширек финалда әлем чемпионатының үш мәрте жүлдегері атанған кубалық боксшы Йосвани Вейтияны 4:1 есебімен қапы қалдырып кетті. Одан бұрын армениялық Корюн Соломонянды, одан кейін замбиялық Патрик Чинембаны жеңді.
Жартылай финал 5 тамыз күні өткізіледі.
Еске салсақ, биылғы Олимпиадаға бокстан ерлер құрамасынан 8 спортшы барды. Сәкеннен өзге бұдан бұрын жартылай финалға Қамшыбек Қоңқабаев (91 келіден жоғары) шыққан болатын. Бүгін тағы бір қазақстандық Закир Сафиуллин (63 келі) ширек финал ойынын өткізеді.
936 рет оқылды
