Қазақстандық теннисші Елена Рыбакина Токио Олимпиадасының жартылай финалында жеңілді, - деп хабарлайды "Ұлт ақпарат".
Рыбакина жартылай финалда швейцариялық Белинда Бенчичпен кездесті. Бірінші сетте қазақстандық теннисші 5:2 есебімен жеңіп жатып, 6:7 есебімен жеңілді. Ал екінші сетте Рыбакина қарсыласынан 6:4 есебімен басым түсті. Бірақ қазақстандық теннисші үшінші сетте қарсыласына 3:6 есебімен жол берді. Матч 2 сағат, 46 минутқа созылды.
Енді Рыбакина украиналық Элина Свитолина мен чехиялық Маркета Вондрусова жұбының жеңілгенімен қола медальді сарапқа салады.
Еске салайық, кеше қазақстандық теннисші ширек финалда әлемнің экс-бірінші ракеткасы испаниялық Гарбинье Мугурусаны жеңген болатын.
Айта кетейік, қазір Қазақстан қоржынында үш медаль бар. Дзюдошы Елдос Сметов, ауыратлеттер Игорь Сон мен Зүлфия Чиншанло қола медаль иеленген болатын.
1113 рет оқылды
