Жапон елінде жазғы Олимпиада ойындарында 60 келі салмақта ел намысын қорғап жүрген дзюдошы Елдос Сметов жартылай финалда сүрінді, деп хабарлайды "Ұлт ақпарат".
Жартылай финалда ол татами иесі, Рио Олимпиадасының «қола» жүлдегері, 2017 жылғы әлем чемпионы жапониялық Наохиса Такатомен белдесті.
Тартысты өткен сайыста қарсыласы Елдос Сметовті қосымша уақытта (Golden Score) жарыс жолынан шығарды.
Жапон спортшысы Елдосқа дейін әуелі Еуропа чеммпионатының жүлдегері бельгиялық Йорре Ферстрэтенді, ширек финалда грузиялық Лухуми Чхвимианиді жеңген болатын.
Ал Елдос Сметов қола медаль үшін болатын белдесуде Нидерланд дзюдошысы Торнике Тшакадуаның осал жерін табуға тырысатын болады.
1269 рет оқылды
