Фото: Ақорда
Астанаға ресми сапармен келген Армения Премьер-министрі Никол Пашинян мен Қазақстан Президенті Қасым-Жомарт Тоқаевтың қатысуымен екі елдің ресми делегациялары бірқатар үкіметаралық және ведомствоаралық құжаттармен алмасты, деп хабарлайды Ult.kz.
Келісімдер саяси, экономикалық, технологиялық, мәдени-гуманитарлық және қауіпсіздік салаларын қамтиды.
Алмасқан негізгі құжаттар:
- Құпия мәліметтерді беру, қолдану, қорғау және сақтау туралы келісім.
- Екі елдің дипломатиялық өкілдіктеріне арналған жер телімдерін бөлу туралы келісім.
- 2026–2030 жылдарға арналған сауда-экономикалық ынтымақтастық жөніндегі жол картасы.
- Өнеркәсіп және құрылыс министрліктері арасында ынтымақтастық туралы меморандум.
- Жасанды интеллект және цифрландыру саласындағы ынтымақтастық туралы меморандум.
- Ауыл шаруашылығы саласындағы өзара түсіністік туралы меморандум.
- Қазақстан мен Армения сыртқы істер министрліктерінің 2026–2027 жылдарға арналған іс-қимыл жоспары.
- Денсаулық сақтау министрліктерінің 2026–2027 жылдарға арналған бірлескен шаралар жоспары.
- Қазақстан–Армения Іскерлік кеңесін құру туралы келісім.
- Екі елдің ұлттық кітапханалары арасындағы меморандум.
Сондай-ақ кино, өнер, атом энергиясын бейбіт мақсатта қолдану, ғылым, жоғары білім және дипломатиялық кадрларды даярлау салалары бойынша да маңызды құжаттар қабылданды.
Бұл келісімдер Қазақстан мен Армения арасындағы жан-жақты ынтымақтастықты нығайтып, жаңа бағыттар бойынша серіктестікті кеңейтуге жол ашады.
214 рет оқылды
