Президент Қасым-Жомарт Тоқаев Паралимпиада-2022 ойындарының қола жүлдегері Александр Герлицті құттықтады, - деп хабарлайды "Ұлт ақпарат".
"Бейжіңде өтіп жатқан Паралимпиада ойындарында қазақстандық биатлоншы Александр Герлиц 10 шақырымдық жарыста қола жүлдеге ие болды. Бұл - Қазақстанның алғашқы медалі. Александрды шын жүректен құттықтаймын және спортта бұдан әрі қарай табысты болуына тілектеспін", - деп жазды Мемлекет басшысы өзінің Twitter-парақшасында.
Айта кетейік, Александр Герлиц Қазақстан құрамасының алғашқы медалін жеңді. Жарыс Чжанцзякоу қаласының ұлттық биатлон орталығында (ҚХР, Хэйбэй провинциясы) өтіп жатыр.
921 рет оқылды
