Қазақстандық Тимофей Скатов Италиядағы Розето-дельи-Абруци 2 челленджер турнирінің ширек финалына шықты, деп хабарлайды ҚазАқпарат.
Дүниежүзілік рейтингте 221-орында тұрған 21 жастағы Скатов екінші айналымда әлемнің 202-ракеткасы, португалиялық Гаштау Элиашпен шеберлік байқасты.
Қазақстандық теннисші 6:2, 0:6, 7:5 есебімен жеңіске жетті.
Екі сағат жарым уақытқа созылған матчта Скатов 1 эйс жасап, 11 брейк-пойнттың бесеуін пайдаланды. Қарсыласы да 1 эйс, 5 брейкпен (13 брейк-пойнт) көзге түсті.
Тимофей жартылай финалға шығу үшін әлемнің 219-ракеткасы, хорватиялық Нино Сердарушичпен таласады.
Қазақстандық спортшы өткен аптада да дәл осындай жарыстың ширек финалына дейін жеткен болатын.
978 рет оқылды
