Қазақстан құрамасының мүшесі, таеквондошы Жансель Дениз Түркияда өткен халықаралық турнирдің жеңімпазы атанды, деп хабарлайды ҚазАқпарат.
Атырау облыстық спорт және дене шынықтыру басқармасы баспасөз қызметінің ақпаратына қарағанда, жақында Ыстанбұл қаласында таеквондодан «WT President' s Cup Europe» халықаралық рейтинг турнирі өткен.
«Бұл турнирге таеквондодан Қазақстан құрамасының екі спортшысы қатысты. Соның бірі – Жансель Дениз. Әйелдер арасындағы сайыста 73 келіге дейінгі салмақ дәрежесінде бақ сынаған ол қарсыластарының бәрін қапы қалдырып, алтын медальға ие болды» -деп хабарлады басқарманың баспасөз қызметі.
1096 рет оқылды
