Фото: kazlenta.kz
Астананың бұрынғы әкімі, қазіргі Эстониядағы Қазақстанның Төтенше және Өкілетті елшісі Алтай Күлгінов өзіне қатысты пікірлерге жауап берді, деп хабарлайды Ult.kz.
Оның айтуынша, дипломат болу — «сылай салатын қызмет емес, жоғары жауапкершілік жүктейтін халықаралық міндет».
Күлгінов Эстониядағы елші қызметіне тағайындалуына қатысты сұрақтарға жауап берді. Видео журналист Ботагөз Омарованың парақшасында жарияланды.
Ол бүгін Ақордада Қазақстан мен Эстония президенттерінің келіссөздеріне қатысты. Айта кетейік, Күлгінов осы жылдың наурызында елші болып тағайындалған. Бұрынғы әкім дипломатиялық қызметті «сілтеу», «сыртқа жіберу» немесе «сілтеу орны» деп атаған пікірлерге үзілді-кесілді қарсы шықты.
«Бұл — үлкен жауапкершілік жүктейтін халықаралық қызмет. Мұндай салыстырулар барлық елшілерді ренжітуі мүмкін», — деді ол.
Күлгінов өзінің әкім болған кездегі сын-ескертулерге түсіністікпен қарайтынын айтты. Оның сөзінше, елорда — президенттің тұрақты бақылауындағы аймақ, сондықтан пікірталас пен сын «табиғи нәрсе».
Айта кетейік, Алтай Күлгінов 2023 жылы елорданың су тапшылығы, нүктелік құрылыс және Талдыкөлге қатысты мәселелерден кейін әкім қызметінен кеткен. Бұл кезеңде қоғам тарапынан айтарлықтай сын туындаған еді.
