Фото: Zakon.kz
Сағат 19.00-дегі жағдай бойынша шетелде 13 учаскенің жұмысы аяқталды, 7358 астам Қазақстан азаматы өз дауысын берді (дауыс беруге 59,79 % қатысты), деп хабарлайды "Ұлт Ақпарат".
"60 сайлау учаскелері әлі өз жұмысын жалғастыруда. Атап айтқанда, Орталық Азия, Таяу және Орта Шығыс, Еуропа, Оңтүстік Америка және АҚШ елдерінде. Тағы 1 Сан-Франциско қаласындағы учаске Астана уақыты бойынша сағ. 20.00-де ашылады", -деді ҚР Сыртқы істер министрінің орынбасары Р. Василенко.
Еске сала кетейін, Қазақстанның шет елдердегі мекемелері жанынан 59 мемлекетте 74 учаскелік референдум комиссиясы құрылған болатын, дауыс беретін сайлаушылардың жалпы саны 12 307.
ҚР Сыртқы істер министрінің орынбасарының айтуынша, бүгін, Астанада Халықаралық байқаушыларға қолғабыс көрсету орталығында, Шанхай ынтымақтастық ұйымы (ШЫҰ), Түркі мемлекеттерінің ұйымы (ТМҰ) және Азиядағы өзара іс-қимыл және сенім шаралары жөніндегі кеңес (АӨСШК) сияқты халықаралық ұйымдар байқаушыларының қатысуымен бірқатар брифингтер өтті.
"Миссия басшылары атап өткендей, республикалық референдум Қазақстанның қолданыстағы заңнамасына және халықаралық міндеттемелеріне сәйкес өтуде. Олардың пікірінше, референдум ашық, еркін және заңды болып табылады, олармен учаскелерде бірде-бір бұзушылық анықталған жоқ. Сонымен қатар, халықаралық байқаушылар біздің сайлаушылардың жоғары белсенділігін ерекше атап өтті. Сонымен бірге, өздеріңізге мәлім, референдумды 200 астам шетелдік журналисттер ақпараттандыруда", -деді Р. Василенко.
1532 рет оқылды
