Фото: ©️ Tengrinews.kz / Тұрар Қазанғапов
Шығыс Қазақстанда мас күйде көлік тізгіндеген әкімдік жүргізушісі жол апатына түсті, деп хабарлайды "Ұлт ақпарат" YK-news.kz порталына сілтеме жасап.
Жүргізуші ауылдық округтегі әкімдікте жұмыс істеген. Көлікті мас күйде басқарған ол электр бағанасына соғылған. Оқиға 4 желтоқсанда болған.
"Жол апаты салдарынан Катонқарағай ауылдық әкімдігіне материалдық залал келтірілді. Залал ерікті түрде өтелді", - деп нақтылады жергілікті әкімдіктің баспасөз қызметі.
Сот жүргізушіні ҚР Әкімшілік кодексінің 608-бабының 3-бөлігімен 20 тәулікке қамауға алу туралы шешім шығарып, жеті жылға көлік құралдарын басқару құқығынан айырды.
Қаулы заңды күшіне енген жоқ.
469 рет оқылды
