18 мау, 2018 сағат 09:41

Шудағы пойыз апаты: Вагон жолсерігі оқиғаның қалай болғанын айтып берді (Видео)

Өзін Астана-Алматы бағытындағы жолаушылар пойызының жолсерігімін деп таныстырған ер адам Шу маңындағы пойыз апатының себебі соққыдан болды дейді. Бұл туралы Tengrinews.kz тілшісі хабарлады.

Оның төтенше жағдай туралы айтқан пікірі бар видео әлеуметтік желілерде таралып жатыр. Видеода ер адам жолаушылар пойызына қарсы жүк пойызы жүргенін мәлімдейді.

"Біз Астанадан келе жаттық. Бізге қарсы Шудан жүк көлігі келе жатты. 11-ші вагонның қолданылмайтын тұсына соққы болды. Осының салдарынан вагон тұрып қалды, бірақ келесі вагондар шығып кетті", - дейді ер адам видеода.

Кадр сыртындағы куәгерлердің айтуынша, жолаушылар пойызына жүк составының жүгі тиген, соған қарағанда бұл жағдай бұрылыста болған.

Ал мұның алдында ҚР ИДМ Шу маңындағы жолаушылар пойызы апатының алдын ала себебін атаған еді.

"17 маусымда 13.25-те Сары-Шаған - Шу учаскесінде Астана - Алматы бағытындағы #9/10 пойызының сегіз жолаушылар вагоны рельстен шығып кетті. Пойыз машинисі жолдағы ақауды көріп, шұғыл тежегішті қолданған", - деп хабарлаған еді министрлік өкілдері.

Ал мұның алдында бас прокуратурадағылар апат салдарынан 11 адам жүгініп, оларға жәрдем көрсетілгенін хабарлаған еді.

Оқиға орнында Бас көлік прокуратурасы прокурорларының, көліктегі ішкі істер органдары қызметкерлерінің, жергілікті атқарушы органдары өкілдерінің және жедел қызмет пен жедел жәрдем қызметкерлерінің жұмыс істеп жатқаны айтылады.

"Шу станциясындағы ЖІІБ ҚР Қылмыстық кодексінің 344-бабының 2-бөлігі бойынша қылмыстық іс қозғады. Тергеу барысы Бас көлік прокуратурасының бақылауына алынады", - деп хабарлады баспасөз қызметіндегілер.

Мұның алдында ҚР ИДМ баспасөз қызметі Шу станциясы маңында пойыздың рельстен шығу себептерін тексеретін комиссия құрылғанын хабарлаған.

"17 маусымда 13.25-те Сарышаған-Шу учаскесінде Астана-Алматы бағытындағы #9/10 пойызының жолаушылар отыратын 8 вагоны рельстен шығып кетті. Төтенше оқиға машинист теміржолдың қисайғанын көріп, көлікті шұғыл тежегенінен кейін болды. Оқиғаны тексеру үшін ҚР ИДМ Көлік комитеті жанынан арнайы комиссия құрылды", - деп хабарлаған еді ҚР ИДМ өкілдері.