Көрнекі сурет: pexels.com
"КАЖСервис" ЖШС-нің Шығыс Қазақстан облыстық филиалының басшылығына қатысты бюджет қаражатын жымқыру фактісі анықталды. Бұл туралы "ҚазАвтоЖол" компаниясының жемқорлыққа қарсы қызметі хабарлады.
"Тексеріс материалдары Шығыс Қазақстан облысы бойынша сыбайлас жемқорлыққа қарсы іс-қимыл қызметіне жолданды. 2024 жылғы 30 қыркүйекте тексеріс жұмыстарының нәтижесі бойынша іс қозғалды", - делінген хабарда.
Іс ҚР Қылмыстық кодексінің 189-бабының 3-б. 1-т. сәйкес қозғалғаны айтылады.
Ұлттық компания өкілдерінің айтуынша, қоғамның сыбайлас жемқорлыққа қарсы комплаенс-қызметі тұрақты түрде жемқорлықпен күресу бойынша шараларды ұйымдастырып, компания ішінде ашық әрі адал ортаны құру мақсатында түрлі жұмыстарды атқарып, мемлекеттік органдар мен мекеме арасында өзара байланысты дамытып жатыр.
1351 рет оқылды
