Фото: instagram.com/shavkatrakhmonov94
Қазақстандық файтер Шавкат Рахмонов UFC промоушенінің Лас-Вегаста өткен турнирінде мерзімінен бұрын жеңіске жетті, деп хабарлайды "Ұлт ақпарат".
Рахмонов америкалық Джефф Нилді үшінші раундта тұншықтыру әдісімен жеңді.
Осылайша отандасымыз кәсіпқой мансабындағы он жетінші, ал UFC-дегі бесінші жеңісіне қол жеткізді. Ол әлі күнге дейін бірде-бір рет жеңілген жоқ.
Джефф Нил болса, өз мансабында қарсыластарына бесінші мәрте есе жіберіп отыр.
Жекпе-жектен кейін Рахмонов барша қазақстандыққа және елімізде спортты дамытып жатқандарға алғыс айтты.
1519 рет оқылды
