Белградта өткен бокстан әлем чемпионатының күміс жүлдегері (57 келі) атанған Серік Теміржанов финалдағы жекпе-жегі туралы пікір білдірді, деп хабарлайды "Ұлт ақпарат" Olympic.kz сайтына сілтеме жасап.
“Дайындық, барлығы жақсы болды. Бірақ, финалдағы қарсыласым менен қарағанда жылдам екен. Жылдамдығына ілесе алмай қалдым. Қателіктерді дұрыстап, нәтижені өзгертуге тырысамыз. Мақсатыма жете алмай қалдым. Мақсатым - әлем чемпионы атану еді. Жекпе-жектен кейін көңіл күй түсіп қалды”, - дейді Серік Теміржанов.
Айта кетерлігі, Қазақстан құрамасы бокстан 2021 жылғы әлем чемпионатын 2 алтын, 2 күміс және 1 қола жүлдемен аяқтады.
1431 рет оқылды
