Астанада үгіт-насихат жұмыстарының басталуы қарсаңында ҚР Президенттігіне кандидат Салтанат Тұрсынбекова штабының ұйымдастыру комитетінің мәжілісі өтті, деп хабарлайды "Ұлт ақпарат".
Қатысушылар дайындық жұмысында статус-квоны, сондай-ақ алдағы кезеңге арналған жоспарларды талқылады. Топ азаматтарға таратуға арналған парақшалар, көшелер мен үй-жайларда іліп қоюға арналған баннерлер, телеарналар мен бейне платформаларда трансляциялауға арналған видеолар дайындады. Кандидат туралы барлық қажетті ақпарат, сайлау алдындағы бағдарлама, жоспарланған іс-шаралардың соңғы жаңалықтары мен хабарландырулары жарияланатын сайт пен әлеуметтік желілер әзірленді. Штаб ақпараттық материалдарды дайындауға қатысты жұмысты жолға қойды, міндеттер бөлінді және үгіт-насихат процесіне дайындық қарқынды жүріп жатыр.
Жиналғандар еліміздің өңірлеріне алдағы сапарларын талқылады. Онда Салтанат Тұрсынбекова халықпен, ірі кәсіпорындар ұжымдарымен кездесулер өткізеді, университеттерге, мектептерге, қарттар үйлеріне, дағдарыс орталықтарына, шағын кәсіпорындар мен базарларға барады, сондай-ақ креативті қауымдастықтармен, ормандар мен жануарларларды қорғаушылармен, көп балалы аналармен, мүмкіндігі шектеулі азаматтар бірлестіктерімен және басқалар азаматтармен кездесулер өткізеді.
Сондай-ақ, штаб кандидаттың сайлауалды бағдарламасын егжей-тегжейлі талқылады. Салтанат Тұрсынбекова күштерді әділдік пен әлеуметтік теңдікті қамтамасыз етуге, балаларды, әйелдерді, қарттарды және мүмкіндігі шектеулі адамдарды қорғау мен қолдаудың тиімді және нақты тетігін құруға бағыттайды. Құжатта үш негізгі бағыт анықталған: отбасылардың әл-ауқатын жақсарту, отбасының қауіпсіздігін қамтамасыз ету, сондай-ақ адами капиталды дамыту. Салтанат Тұрсынбекова жұмыспен қамту, әлеуметтік қорғау, тұрғын үйге қолжетімділік, отбасылық-тұрмыстық зорлық-зомбылыққа қарсы іс-қимыл, білім беру жүйесін жаңғырту, оған мұқтаж азаматтарға психологиялық және құқықтық көмектің қолжетімділігін қамтамасыз ету сияқты салалардағы өзгерістер мен реформаларды жоспарлап отыр.
Естеріңізге сала кетейік, ҚР Орталық сайлау комиссиясы Салтанат Тұрсынбекованы кезектен тыс сайлауда Президенттікке кандидат ретінде тіркеген болатын. Ол "Қазақ аналары – дәстүрге жол" республикалық қоғамдық бірлестігінің атынан ұсынылды.
Кандидат туралы не білеміз?
Салтанат Тұрсынбекова - қоғам қайраткері, құқық қорғаушы, екі баланың анасы. Ол елдегі соңғы жылдардағы ең көп талқыланған және резонанстық тақырыптардың бірі - тұрмыстық зорлық-зомбылыққа қарсы көпжылдық қажырлы еңбегімен танымал.
20 жылдан астам мемлекеттік қызметте, оның ішінде Мемлекеттік қызмет істері агенттігінде, Жоғарғы сотта және Бас прокуратурада еңбек етті, сонымен қатар 10 жыл басшылық лауазымдарды атқарды.
Салтанат Тұрсынбекова Бас прокуратура жанынан құқық қорғау органдары академиясын, республиканың барлық облыстарында оқу-әдістемелік жұмысы мен прокуратура органдарының қызметкерлерін даярлау орталықтарын құру жөніндегі жұмыстың басшысы болды.
Бас прокуратурада жұмыс істей жүріп, "Отбасында зорлық-зомбылықсыз Қазақстан" жобасына бастамашы болды. Дағдарыс орталықтарына, балалар үйлеріне, қарттар үйлеріне, әйелдер колонияларына, елдің ең шалғай ауылдарына барды. Үкімет "Отбасында зорлық-зомбылықсыз Қазақстан" жобасының идеяларын қолдады және жергілікті жерлерде әкімдер дағдарыс орталықтарын аша бастады. Әзірленген іс-шаралар екі жыл ішінде алдымен елордада және төрт облыста, ал одан әрі басқа да өңірлерде іске асырылатын болады. ”Отбасындағы зорлық-зомбылықсыз Қазақстан" жобасы Қазақстандағы БҰҰ шешімімен зорлық-зомбылыққа қарсы күрестің тиімді ұлттық стратегияларының бірі ретінде танылды.
Мемлекеттік қызметтегі жұмысын аяқтағаннан кейін, Салтанат Тұрсынбекова әйелдер құқығын қорғаумен айналысуды жалғастырды, бірақ қоғамдық жұмыстың аясында ғана. Атап айтқанда, ол өзін-өзі қорғау баптары бойынша жазасын өтеп жүрген әйелдермен үлкен жұмыс жасады.
1370 рет оқылды
