Фото: Парламент баспасөз қызметі
Орталық сайлау комиссиясы "Ақ жол" демократиялық партиясының ұсынысы бойынша мәжіліс депутаты Асқар Садықовты мандатынан айыру туралы шешім қабылдады, деп хабарлайды "Ұлт ақпарат".
Бұл ақпарат Орталық сайлау комиссиясының ресми сайтында жарияланды.
Хабарламада: "Қазақстанның "Ақ жол" демократиялық партиясы" қоғамдық бірлестігі ұлттық кеңесінің 2024 жылғы 1 шілдедегі № 1 қаулысына сәйкес Асқар Аманбайұлы Садықовтың мәжіліс депутаты ретіндегі өкілеттігі тоқтатылды" делінген.
Партия жетекшісі Азат Перуашев бұл шешімнің себебін түсіндіріп, оны "Садықовтың депутат мәртебесіне сәйкес келмейтін әрекеттері" деп атап өтті.
Асқар Садықов 2023 жылы наурыз айында VIII сайланған мәжіліс депутаты ретінде сайланған болатын. Ол 2013-2023 жылдары "Ақ жол" партиясының Ақтөбе облыстық филиалының төрағасы, ал 2014-2023 жылдары Ақтөбе облыстық мәслихатының депутаты қызметін атқарған.
Мәжіліс жұмысы барысында Садықов түрлі тақырыптарда депутаттық сауалдар көтеріп, сындарлы пікірлер білдірген. Мысалы, ол Қазақстанның ұлттық әуе тасымалдаушысы Air Astana компаниясына бақылау жүргізу мәселесін көтерген болатын. Сондай-ақ, көктемде еліміздегі алкоголь өндірісін "Ескі Қазақстанның" адамдары қорғап келгенін мәлімдеді.
5017 рет оқылды
