Ресей президенті Владимир Путин Кемеровтегі 64 адамның өліміне әкеп соққан "Зимняя вишня" сауда үйінде болған өрттің неден шыққанына қатысты пікір білдірді, - деп хабарлайды kaz.tengrinews.kz РИА Новости агенттігіне сілтеме жасап.
"Бізде не болып жатыр, бұл - әскери қақтығыс емес, кен орнындағы метанның шығып кетуі емес қой. Адамдар демалуға келді, балалар. Демография туралы айтып, осынша адамды неге жоғалтып отырмыз? Бұл қылмыстық салғырттықтан, бос белбеуліктен болды", - дейді Путин өрт салдарын жоюға арналған Кемеровтегі жиын барысында.
Сонымен қатар, Путин РФ Тергеу комитетінің басшысы Александр Бастрыкинге қайғылы оқиғаға жол берген қызметтік тұлғалардың әрекетіне құқықтық түрде баға беруді тапсырды. "Ақшасыз анықтама да ала алмайсың, ал ақшамен не болса соған қол қойып береді", - дейді ол.
Ресей басшысы сейсенбі күні таңғысын Кемеровоға ұшып келіп, өртенген сауда орталығында болды. Халық гүл шоқтарын жинаған орынға Путин де гүл қойды және ортенген сауда үйін қарап шықты.
Кемероводағы төрт қабатты сауда-ойын сауық орталығы жексенбіде өртенген болатын. Қайғылы оқиға салдарынан 64 адам қаза болды, соның ішінде сегіз бала бар. Зардап шеккен 13 адам ауруханада жатыр, көпшілігі түтіннен уланған.
2961 рет оқылды
_140_110.webp)
