Фото: Ақорда
Мемлекет басшысы Қасым-Жомарт Тоқаев білім және ғылым саласындағы ықпалдастықты тереңдету мақсатында «Орталық Азия – Ресей» форматындағы алғашқы ректорлар форумын Қазақстанда ұйымдастыруды ұсынды, деп хабарлайды Ult.kz.
Президент жоғары білім беру жүйелерінің байланысы күшейіп келе жатқанын атап өтті.
Бүгінде:
-
Қазақстанның 60 университеті Ресейдің 50 жоғары оқу орнымен серіктестік орнатқан;
-
Ресейде 60 мыңнан астам қазақстандық студент білім алуда;
-
Қазақстанда Ресейдің 9 жетекші университетінің филиалы жұмыс істейді;
-
Сонымен қатар Қазақстандық жоғары оқу орындарының филиалдары Бішкек, Ош, Ташкент қалаларында ашылған.
-
Омбы мемлекеттік университеті базасында әл-Фараби атындағы ҚазҰУ филиалының ашылуы – Ресейдегі алғашқы шетелдік ЖОО өкілдігі болды.
Тоқаев цифрландырудың да маңызын атап өтті. Ол «Орталық Азия – Ресей» бірлескен цифрлық кітапханасын және онлайн-білім беру платформасын құруды ұсынды. Бұл платформа арқылы университет курстары, дәрістер және архивтер ортақ қолжетімді болады.
Мемлекет басшысы әріптес елдерге ғылым-білім саласындағы сындарлы ынтымақтастық үшін алғыс білдірді.
