Фото: Жетісу облысы полициясы
Әйел адамның үйінен жоғалған заттардың жалпы құны 1 млн теңгеден асқан. Сүйіктісі ол бұйымдарды ломбардқа тапсырып үлгерген, - деп хабарлайды "Ұлт ақпарат" Kazinformға сілтеме жасап.
Павлодарлық тәртіп сақшылары ұрлық жасады деген күдікпен 50 жастағы ер азаматты ұстады. Ол бұған дейін пәтерінде бірге тұрған әйелдің үйіне жасырын кіріп, қымбат заттарын олжалап кеткен.
- Ер адам бұрын әйелдің пәтерінде бірге тұрған, қалтасында қосымша кілті болған. Пәтер иесінің жұмысқа кеткенін пайдаланып, үйді өз кілтімен ашып кірген. Сөйтіп күзен ішікті, қос жұп алтын сырғаны және шотланд вискиін ұрлап кеткен. Ішік пен алтын бұйымдарды ломбардқа өткізіп жіберген. Келтірілген шығын көлемі 1 млн теңгеден асып отыр, - деп хабарлады Павлодар облысы полиция департаментінің баспасөз қызметінен.
Күдіктіге қатысты сотқа дейін тергеу шаралары басталды. Ешқайда шықпау туралы қолхат алынып, заттай дәлелдемелер тәркіленді. Полиция күдіктінің осыған ұқсас өзге қылмыстарға қатысы бар-жоғын тексеруде.
1123 рет оқылды
_140_110.webp)
